Neemias 9:6 - BIBLIA - traduson antigu in Krioulo

⁶ Abo son ku sedu SIÑOR. Bu kumpu seu, te na ki seu mas altu, ku tudu multidon di strelas; bu kumpu tera ku tudu ku sta nel; bu kumpu maris ku tudu ku sta nelis. Abo ku ta guarda tudu vida; puderis di seu ta adorau.

Neemias 9:6 ပူးပေါင်းရင်းမြစ်များ

Kumsada 1:1

Na kumsada Deus kumpu seu ku tera.

Kumsada 1:9

Deus fala: “Yagu bas di seu pa i junta na un kau, pa i pudi ten un parti seku.” Asin ki bin sedu.

Kumsada 2:1

Asin seu ku tera, ku tudu ki kusas ciu ku staba nelis, e kaba fasidu.

Kumsada 32:2

Jakó oja elis, i fala: “Es i kompañia di tropas di Deus.” I coma nomi di ki kau Maanain.

1 Reis 22:19

Mikaias kontinua i fala; “Sukuta palabra di SIÑOR. N oja SIÑOR sintadu na si tronu; tudu tropas di seu staba lungu del na si mon direita ku skerda.

1 Reis 8:27

“Ma na bardadi, Deus pudi mora na tera me? Seu propi, nin si i seu mas altu, i ka ciga pa bu kibi la, ku fadi e kasa ku N kumpu.

2 Reis 19:15

i ora, i fala: “O SIÑOR, Deus di Israel, ku sta sintadu na tronu na metadi di kirubins, abo son ku sedu Deus riba di tudu renus di mundu. Abo ku kumpu seu ku tera.

2 Reis 19:19

Asin, o SIÑOR no Deus, libranu di si mon, pa tudu renus di mundu pudi sibi kuma i abo son, SIÑOR, ku sedu Deus.”

Neemias 9:5

Levitas Jesua, Kadmiel, Bani, Asabneias, Serebias, Odias, Sebanias ku Petaias e fala: “Bo lanta, bo fala ben di SIÑOR bo Deus ku ka ten kumsada, i ka ten kabantada.” “No misti pa jinti ngaba bu nomi gloriosu, ku sta riba di tudu benson ku lovor.

Salmus 102:25

Disna di kumsada bu pui alisersus di tera; seus i tarbaju di bu mon.

Salmus 103:21

Bo fala ben di SIÑOR, abos si tropas di seu, abos, si ministrus ku ta fasi tudu ki misti.

Salmus 115:15

SIÑOR ku kumpu seu ku tera, pa i bensua bos!

Salmus 124:8

No sakur sta na nomi di SIÑOR ku kumpu seu ku tera.

Salmus 146:6

ku kumpu seu ku tera ku mar ku tudu ku sta nel, ku manti fiel pa sempri.

Salmus 24:10

Kin ku sedu e Rei di Gloria? SIÑOR ku ten tudu puder, i el ki Rei di Gloria. Sela

Salmus 33:6

SIÑOR kumpu seu ku si palabra, ku si folgu i kumpu tudu strelas ku lua ku sol.

Salmus 36:6

Bu retidon i suma garandi montañas; bu julgamentu i suma mar fundu. SIÑOR, bu ta guarda omis ku limarias.

Salmus 86:10

pabia i abo i garandi, bu ta fasi milagris; abo son ki Deus.

Isaias 37:16

“O SIÑOR ku ten tudu puder, Deus di Israel, abo ku sta sintadu na metadi di kirubins, i abo son ku sedu Deus riba di tudu renus di mundu; i abo ku kumpu seu ku tera.

Isaias 37:20

Asin, o SIÑOR no Deus, libranu na si mon, pa tudu renus di mundu pudi sibi kuma i abo son, SIÑOR, ku sedu Deus.”

Isaias 43:10

SIÑOR fala: “Abos bo sedu ña tustumuñas, bo sedu ña servu ku N kuji, pa bo pudi kunsin, bo fia na mi, pa bo ntindi kuma N sedu Deus; antis di mi i ka tenba nin utru deus ku formadu, nin i ka na bin ten dipus di mi.

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 44:8

Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 45:12

I ami ku kumpu mundu, ku omi ku sta nel. Ami ku distindi seu ku ña mon, N da ordi pa sol, lua ku tudu strelas.

Jeremias 32:17

“A SIÑOR Deus! Abo ku distindi mon, bu kumpu seu ku tera ku bu garandi puder; i ka ten nada ki kansadu pa bo.

Ezekiel 20:11

N da elis ña mandamentus, N nsina elis ña leis ku ta da vida pa kin ku obdisi elis.

Jonas 1:9

I ruspundi elis: “Ami i ebreu; N ta adora SIÑOR, Deus di seu, ku kumpu mar ku con.”

Bon Noba di Jesus Kristu ku Jon 10:30

Ami ku ña Pape, anos i un son.”

Atus 4:24

Oca ke obil, e yalsa vos tudu juntu pa Deus, e fala: “Siñor, i abo ku fasi seu ku tera ku mar, ku tudu ku sta nelis.

Ripitison di Lei 10:14

Seu, mesmu ki seu mas altu, i di SIÑOR bu Deus; tera i di sil ku tudu ku sta nel.

Ripitison di Lei 32:39

“Bo oja kuma i ami, ami propi ku sedu Deus. I ka ten utru deus fora di mi. N ta mata, N ta da vida; N ta laña, N ta kura; i ka ten algin ku pudi kapli di ña mon.

Ripitison di Lei 6:4

Israel, sukuta! SIÑOR no Deus, el son ku sedu SIÑOR.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 1:6

Oca ki na mandaba si purmeru Fiju na mundu, i fala tambi: “Tudu anjus di Deus pa e adoral.”

Apokalipsi 14:7

I fala ku garandi vos: “Bo medi Deus, bo dal gloria, pabia ora ciga pa i julga jinti. Bo adora kil ku fasi seu, tera ku mar, ku fontis di yagu.”

Apokalipsi 4:11

“O Siñor no Deus! Bu mersi risibi gloria ku rispitu ku puder, pabia i abo ku kumpu tudu kusa. Konformi bu vontadi e kumpudu, e sta inda te gosi.”