Neemias 9:37 - BIBLIA - traduson antigu in Krioulo

³⁷ Pabia di no pekadus, con ta pruduzi si rikesa pa reis ku bu pui riba di nos; e ta fasi ke ke misti ku no kurpus ku no limarias. No sta na garandi kasabi!”

Neemias 9:37 ပူးပေါင်းရင်းမြစ်များ

Esdras 4:13

Rei dibi di ntindi kuma, si ki prasa kumpudu, tudu ku si muras, e na para paga taŝas ku mpustu ku renda; asin finansas di rei na pirdi.

Esdras 6:8

Tambi N na da ordi pa bo pudi sibi ke ku bo na fasi pa garandis di judeus, pa e pudi kumpu ki kasa. Pa obra ka para, dispesas di ki omis ten ku pagadu na tempu sertu, di finansas di rei, di mpustus ku na pagadu la na Trans-Eufrates.

Esdras 7:24

Tambi no na konta bos aserka di tudu saserdotis ku levitas, kantaduris, porterus, serventis di templu, ku kualker utru algin ku ta sirbi na ki kasa di Deus, kuma e ka pudi kobradu nin taŝa nin mpustu nin renda.

Neemias 5:8

N fala elis: “Konformi no pudi, no kumpra no ermons judeu ku bindiduba pa jintius. Nta bo na pui elis pa e bindidu mas? O bo misti bindi elis pa nos?” E kala; e ka teneba nada di fala.

Miskiñu di Jeremias 5:5

Jinti ku na serkanu e pertu pañanu. No sta kansadu, ma no ka ten diskansu.

Sirmonias 26:17

N na pui ña rostu kontra bos pa bo inimigus ngaña bos; kilis ku odia bos e na manda riba di bos. Bo na kuri sin ningin serka bos.

Bon Noba di Jesus Kristu ku Jon 8:33

E ruspundil: “Anos i jorson di Abraon; nunka no ka sedu katibu di ningin. Kuma ku bu na fala kuma no ta sta libri?”

Ripitison di Lei 28:33

Un pobu ku bu ka kunsi na kume prudutu di bu con ku bu tarbaju. Bu na kalkadu, bu maltratadu tudu dia.

Ripitison di Lei 28:39

Bu na paranta orta di uva, bu toma konta del, ma bu ka na kuji si uva nin bu ka na bibi si biñu, pabia bicus na kumel.

Ripitison di Lei 28:48

asin bu na sirbi bu inimigus ku SIÑOR na manda kontra bo. Bu na fasil ku fomi, ku sedi, sin ropa, ku falta di tudu. SIÑOR na pui un korenti di feru na bu garganti tok i kaba ku bo.

Ripitison di Lei 28:51

E na kume bu limarias, ku prudutu di bu con, tok fomi kaba ku bo. E ka na disau miju, biñu, azeiti, fijus di bu bakas nin di bu karnel, tok e kaba ku bo.