Neemias 9:14 - BIBLIA - traduson antigu in Krioulo

¹⁴ Bu nsina elis pa e ba ta guarda un dia di diskansu pa bo, bu da elis ordis, regras ku leis pa boka di bu servu Moisés.

Neemias 9:14 ပူးပေါင်းရင်းမြစ်များ

Kumsada 2:3

Deus bensua setimu dia, i pul un dia aparti, pabia na ki dia i diskansa di tudu ki tarbaju di kumpu kusas.

Neemias 1:8

“Lembra ke ku bu konta bu servu Moisés, bu falal: ‘Si bo kebra ña lei, N na pajiga bos na metadi di utru nasons,

Neemias 10:32

Tudu anu kada un di nos na da 5 grama di prata pa dispesas di sirvis di kasa di no Deus:

Saida 16:23

Moisés fala elis: “Es i ordi ku SIÑOR da: Amaña i dia di diskansu, sagradu pa SIÑOR. Kil ku bo misti kusña na furnu, bo kusñal. Kil ku bo misti firbinti na yagu, bo firbintil. Kil ku sobra, bo rakadal pa bos pa amaña.”

Saida 16:29

Bo jubi, ka bo diskisi kuma SIÑOR da bos un dia di diskansu. Asin, na sestu dia, i ta da bos pon pa dus dia. Na setimu dia kada kin ta fika na si lugar; ka ningin sai.”

Saida 24:12

SIÑOR fala Moisés: “Subi pa mi na montaña, bu fika la. N na dau taguas di pedra ku lei ku mandamentus ku N skirbi, pa bu nsina pobu.”

Ezekiel 20:11

N da elis ña mandamentus, N nsina elis ña leis ku ta da vida pa kin ku obdisi elis.

Ezekiel 20:12

N da elis tambi ña dias di diskansu pa e sedu sinal na metadi di mi ku elis, pa e pudi sibi kuma ami N sedu SIÑOR ku separa elis pa mi.

Ezekiel 20:20

Bo guarda ña dias di diskansu suma dia sagradu, pa i sedu un sinal na metadi di mi ku bos, pa bo sibi kuma ami N sedu SIÑOR bo Deus.”

Sirmonias 19:3

“Kada un di bos ten ku rispita si mame ku si pape, i guarda ña dias di diskansu. Ami i SIÑOR bo Deus.

Sirmonias 27:34

Esis i mandamentus ku SIÑOR da Moisés na monti Sinai pa pobu di Israel.

Bon Noba di Jesus Kristu ku Jon 1:17

Lei daduba pa meiu di Moisés; grasa ku bardadi bin pa meiu di Jesus Kristu.

Ripitison di Lei 4:45

Esis i mandamentus, regras ku leis ku Moisés konta pa fijus di Israel dipus de sai na Ejitu,

Ripitison di Lei 4:5

Ami N nsina bos regras ku leis, suma ku SIÑOR ña Deus mandan, pa bo pudi pui elis na pratika na tera ku bo na bai yarda.

Ripitison di Lei 5:31

Ma abo, bu pudi fika li ku mi pa N pudi dau tudu mandamentus, regras ku leis ku bu ten ku nsina elis pa e obdisi na tera ku N na da elis pa e tene.”