Neemias 9:12 - BIBLIA - traduson antigu in Krioulo

¹² Bu gia elis di dia ku kuluna di nuven; di noti bu pui kuluna di fugu pa numia elis kamiñu ke tenba ku yanda nel.

Neemias 9:12 ပူးပေါင်းရင်းမြစ်များ

Neemias 9:19

Ma abo, pabia di bu garandi miserikordia, bu ka bandona elis na lala; ki kuluna di nuven fika pertu delis di dia, pa gia elis na kamiñu; di noti ki kuluna di fugu ka para numia elis, pa mostra kamiñu ke tenba ku bai nel.

Salmus 105:39

Deus distindi un nuven pa i kubri elis, ku fugu pa numia elis di noti.

Salmus 107:7

I leba elis pa kamiñu filadu, ku ta bai pa prasa nunde ke pudi mora nel.

Salmus 143:8

Fasin pa N obi bu palabra di bondadi parmaña, pabia N fiansa na bo. Mostran kamiñu ku N dibi di yanda, pabia N na jubi pa bo.

Salmus 78:14

Di dia i gia elis ku nuven; duranti noti i ta gia elis ku klaridadi di fugu.

Saida 15:13

Abo, ku bu bondadi, bu gia e pobu ku bu salba. Ku bu forsa bu leba elis pa kau sagradu nunde ku bu mora.

Ezekiel 20:6

Na ki dia N yalsa mon pa elis, N jurmenta kuma N na tira elis na tera di Ejitu, N na leba elis pa un tera ku N ranjaba pa elis, tera riku ku ta pruduzi ciu, mas bonitu di ki tudu teras.

Numerus 9:16

Asin ki kontinua; nuven ta kubril; di noti i ta yardi suma fugu.

Numerus 9:21

Si nuven fika paradu di tardi tok sol mansi, dipus i lanta, e ta pega kamiñu. Nin ki di dia o di noti ku nuven lanta, e tenba ku bai.

Ripitison di Lei 1:33

kil ku bai bo dianti na tudu e kamiñu, na fugu di noti, na nuven di dia, pa buska kau nunde ku bo dibi di pui kampamentu nel, pa mostra bos kamiñu ku bo dibi di yanda.