Neemias 8:2 - BIBLIA - traduson antigu in Krioulo

² Asin, na purmeru dia di setimu mis, ki saserdoti Esdras tisi libru di lei dianti di juntamentu, ku seduba di omis ku minjeris, ku tudu mininus ku pudi ntindi ke ku na leidu.

Neemias 8:2 ပူးပေါင်းရင်းမြစ်များ

Neemias 10:29

e na junta ku se ermons, ku sedu se ŝefis, e na jurmenta kuma e na kastigadu si e ka yanda na lei ku Deus da si servu Moisés; e na guarda, e na obdisi tudu ku SIÑOR no Deus mandanu na si leis ku si ordis.

Neemias 13:1

Na ki dia ku libru di Moisés leidu dianti di pobu, i ojadu skritu kuma nin amonitas nin moabitas ka pudi junta ku pobu di Deus,

Neemias 8:18

Kada dia Esdras fika i na lei na libru di lei di Deus, disna di purmeru dia te na ultimu. E guarda ki festival pa seti dia; na oitavu dia e junta pa sirmonia di kabantada.

Neemias 8:9

Oca ku jinti obi palabras di lei, e kumsa na cora. Neemias, ku sedu gubernadur, ku Esdras ku seduba saserdoti ku pursor di lei, ku levitas ku na nsinaba jinti, e fala tudu pobu: “E dia i dia sagradu pa SIÑOR bo Deus; ka bo miskiña nin ka bo cora.

Neemias 9:1

Na dia 24 di ki mis, fijus di Israel junta, na junjun, bistidu di saku, ku reia na se kabesa.

Isaias 28:9

Kin ki misti nsina? Kusa ki obi, kin ki na splikal el? Mininusiñus ku kumsa tiradu na mama?

Sirmonias 23:24

pa i fala fijus di Israel: “Na purmeru dia di setimu mis bo na diskansa suma lembransa, bo na tene juntamentu sagradu. Kornetas na toka.

Malakias 2:7

Saserdoti dibi di guarda kuñisimentu; omis dibi di buska nsinamentu di si boka, pabia i el ku ta konta rekadu di SIÑOR ku ten tudu puder.

Numerus 29:1

“Na purmeru dia di setimu mis bo na tene juntamentu sagradu; ka bo fasi nin un tarbaju na ki dia. I na sedu un dia pa bo toka korneta.

Atus 15:21

Lei di Moisés ta anunsiadu na tudu prasas disna di tempu antigu; i ta leidu kada dia di diskansu na kasas di juntamentu.”

Ripitison di Lei 17:18

Ora ki sinta na si tronu di renansa, i ta skirbi na un libru pa si kabesa un kopia de lei ku sta na mon di saserdotis levita.

Josué 8:35

I ka ten nin un palabra ku Moisés manda ku Josué ka lei dianti di tudu juntamentu di Israel, tudu ku minjeris, mininus ku stranjerus ku staba na se metadi.