Neemias 8:17 - BIBLIA - traduson antigu in Krioulo

¹⁷ Tudu jinti ku riba di katiberasku e kumpu barakas, e mora nelis. I un kusa ku fijus di Israel ka fasiba disna di dias di Josué, fiju di Nun, te na ki dia. E fika kontenti dimas.

Neemias 8:17 ပူးပေါင်းရင်းမြစ်များ

1 Kronikas 29:22

Ki dia e kume e bibi dianti di SIÑOR ku garandi kontentamentu. E rikuñisi Salomon, fiju di Davi, pa sugundu bias suma rei, e unjil dianti di SIÑOR suma se ŝef. E unji tambi Zadok pa i sedu saserdoti.

2 Kronikas 30:26

Kontentamentu garandi staba na prasa di Jerusalen, pabia disna di tempu di Salomon, fiju di Davi, rei di Israel, i ka fasidu un kusa suma es na Jerusalen.

2 Kronikas 35:18

Disna di tempu di anunsiadur Samuel, nunka i ka fasidu un Paskua suma kila na Israel. I ka ten rei di Israel ku ciga di fasi un Paskua suma kil ku Josias fasi, ku saserdotis ku levitas, ku tudu Judá ku Israel ku staba la, ku moraduris di Jerusalen.

2 Kronikas 8:13

I da ki ofertas di kada dia konformi ordis di Moisés, tambi na dias di diskansu, lua nobu, ku ki tris festival kada anu ku sedu di pon sin fermentu, di semanas ku di barakas.

Esdras 3:4

E guarda festival di barakas konformi i sta skritu; kada dia e ta kemaba ofertas, konformi numeru ku lei marka pa ki dia.

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Ripitison di Lei 16:15

Bu na guarda seti dia di festival pa SIÑOR bu Deus na kau ki na kuji, pabia SIÑOR bu Deus na bensuau na tudu bu kebur ku tudu bu tarbaju; pa kila bu dibi di sta kontenti.

Ebreus 11:13

Tudu e jinti e muri ku fe sin ciga di yangasa ki kusas ku Deus fala i na da elis, ma e oja elis di lunju, e fika kontenti ku elis, e konfesa klaru kuma elis i ospri strañu na tera.

Ebreus 11:9

I fe ku pul i sinta suma stranjeru na tera ku Deus fala i na dal. I mora na tenda, suma Isak, ku Jakó, ku risibi tambi mesmu purmesa ku el,

Ebreus 4:8

Si Josué da elis ba diskansu, Deus ka na falaba mas aserka di utru dia.

Josué 1:1

Dipus di mortu di Moisés, servu di SIÑOR, SIÑOR papia ku fiju di Nun, ku sedu Josué, judadur di Moisés, i falal: