Neemias 8:12 - BIBLIA - traduson antigu in Krioulo

¹² Asin tudu jinti bai kume, e bibi, e manda kiñons, e fasi festa ku garandi kontentamentu, pabia e ntindi ki palabras ke kontadu.

Neemias 8:12 ပူးပေါင်းရင်းမြစ်များ

1 Kronikas 29:22

Ki dia e kume e bibi dianti di SIÑOR ku garandi kontentamentu. E rikuñisi Salomon, fiju di Davi, pa sugundu bias suma rei, e unjil dianti di SIÑOR suma se ŝef. E unji tambi Zadok pa i sedu saserdoti.

Neemias 8:10

Bo bai kume bon kumida, bo bibi kusa meladu; bo manda kiñon pa kilis ku ka purpara nada, pabia e dia i dia sagradu pa no SIÑOR. Ka bo fika tristi, pabia alegria di SIÑOR i bo forsa.”

Neemias 8:11

Asin levitas kalma tudu jinti, e fala elis: “Bo kala, pabia aos i dia sagradu; bo ka dibi di fika tristi.”

Neemias 8:13

Na sugundu dia, ŝefis di tudu familias, tudu ku saserdotis ku levitas, e junta e bai nunde Esdras, ki pursor di lei, pa pui sintidu na palabras di lei.

Ester 9:22

suma dias ku judeus e fika libri di se inimigus. I na ki mis ku se tristesa bida alegria, se kasabi bida un dia di divirtimentu. I fala elis pa e tene ki dias suma dias di festa ku alegria, pa e manda pursentis pa ŋutru, ku ofertas pa koitadis.

Jo 23:12

Nunka N ka lunjusi di si mandamentus; N da palabras di si boka mas balur di ki ña kumida.

Salmus 119:111

N toma bu nsinamentus suma yardansa pa sempri, pabia e sedu kontentamentu di ña korson.

Salmus 119:127

N gosta di bu mandamentus mas di ki uru, te uru mas puru.

Salmus 119:130

Splikason di bu palabra ta da lus, i ta da ntindimentu pa kilis ku ka nsinadu.

Salmus 119:14

N mas kontenti pa sigi bu nsinamentus di ki N tene manga di rikesa.

Salmus 119:16

N ta sinti sabi ku bu regras; N ka na diskisi di bu palabra.

Salmus 119:171

Inci ña boka ku palabras pa ngabau, pabia bu nsinan bu regras.

Salmus 119:174

O SIÑOR, N faima pa bu salbason; bu lei i kusa sabi dimas pa mi.

Salmus 119:72

Lei ku sai na bu boka i mas minjor pa mi di ki milyaris di mueda di uru o di prata.

Salmus 119:97

N gosta ciu di bu lei; N ta pensa nel tudu ora.

Jeremias 15:16

Oca ku bu papia ku mi, N kume bu palabras; e dan kontentamentu ku pas na ña korson, pabia N comadu na bu nomi, o SIÑOR Deus ku ten tudu puder.

Lukas 24:32

E punta ŋutru: “Nta no korson ka na yardinu ki ora na kamiñu ki na papia ku nos, oca i na splikanu Skritura?”

Romanus 7:18

N sibi kuma nin un kusa bon ka sta na mi, na ña propi naturesa. Na bardadi N misti fasi ben, ma N ka pudi fasil.

Apokalipsi 11:10

Tudu jinti na tera na kontenti riba delis, tok e na fasi festa, e na manda ŋutru pursentis, pabia ki dus anunsiadur kastigaba jinti di tudu mundu.