Neemias 6:14 - BIBLIA - traduson antigu in Krioulo

¹⁴ N ora N fala: “Ña Deus, lembra di Tobias ku Sambalat pabia de kusas ke fasi, suma tambi ki minjer anunsiadur Noadias, ku ki utru anunsiaduris ku misti mitin medu.”

Neemias 6:14 ပူးပေါင်းရင်းမြစ်များ

Neemias 13:29

Ña Deus, lembra delis, manera ke susa se sirvis suma saserdoti, e susa tambi ki kontratu ku bu fasi ku saserdotis ku levitas.

Neemias 5:19

Ña Deus, lembra di mi ku fabur pa tudu kusa ku N fasi pa e pobu.

Salmus 137:7

SIÑOR, lembra ke ku edomeus fasi na dia ku Jerusalen kai. E fala: “Batil! Batil te na con!”

Salmus 22:1

Ña Deus, ña Deus, pabia di ke ku bu bandonan? Ke ku manda bu sta lunju di palabras ku N na grita pa bo, bu ka na salban?

Salmus 63:1

O Deus, abo i ña Deus; N na lanta sedu pa buskau. N tene sedi di bo; ña kurpu dijau ciu na un tera seku, kansadu, ku ka tene yagu,

Saida 15:20

Mirian, ku ta anunsiaba rekadu di Deus, irma di Aron, i toma tambriña na si mon. Tudu minjeris pega si tras, e na toka tambriñas, e na baja.

Jeremias 14:15

Asin ami, SIÑOR, N fala aserka di anunsiaduris ku na anunsia na ña nomi sin N ka da elis ordi. E na fala: ‘Nin spada, nin fomi ka na ten ne tera.’ Ma e mesmu anunsiaduris na muri ku spada ku fomi.

Jeremias 14:18

Si N sai pa matu, N ta oja kilis ku matadu ku spada; si N yentra na prasa, N ta oja jinti ku na dismaja ku fomi. Mesmu anunsiaduris ku saserdotis e na yanda-yanda na un tera ke ka kunsi.’ ”

Jeremias 28:1

Na ki mesmu anu, ku sedu kuartu anu di renansa di Zedekias, rei di Judá, na kintu mis, Ananias, fiju di Azur, anunsiadur di Jibeon, i papia ku mi na kasa di SIÑOR, dianti di saserdotis ku tudu pobu, i fala:

Jeremias 28:10

Anunsiadur Ananias tira kanga na garganti di anunsiadur Jeremias, i kebral,

Jeremias 28:15

Anunsiadur Jeremias fala anunsiadur Ananias: “Ananias, obi de! SIÑOR ka mandau, ma abo bu pui e pobu pa e fia na mintida.

Mateus 24:11

Manga di anunsiadur falsu na lanta, e na ngana manga di jinti.

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Mateus 7:15

“Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

2 Timótiu 3:8

Suma ku Janes ku Jambres purfiaba ku Moisés, asin tambi esis ta purfia ku bardadi, e pirdi ntindimentu, e raproba na fe.

1 Jon 5:16

Si algin oja si ermon na fasi un pekadu ki ka pa mortu, i ta pidi Deus; Deus ta dal vida. Ma i son pa kilis ku fasi pekadu ki ka pa mortu. I ten pekadu ki pa mortu; N ka fala pa bo ora pa el.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.