Neemias 5:9 - BIBLIA - traduson antigu in Krioulo

⁹ N fala elis mas: “Kusa ku bo na fasi i ka bon. Nta bo ka dibi di yanda ku rispitu pa no Deus pa no inimigus jintius ka pudi culinu dedu?

Neemias 5:9 ပူးပေါင်းရင်းမြစ်များ

Kumsada 20:11

Abraon falal: “Ami N fala na ña sintidu: ‘N ten sertesa kuma jinti ne kau ka ten rispitu pa Deus. E na matan pabia di ña minjer.’

Kumsada 42:18

Na terseru dia José fala elis: “Si bo fasi es, bo na tene vida, pabia ami N rispita Deus.

2 Samuel 12:14

ma manera ku bu fasi e kusa, ku pui inimigus di SIÑOR njutil, asin tambi ki fiju ku bu padi i na muri.”

Neemias 4:4

“A no Deus! Obi kuma ku no na njutidu. Pui se trosa pa i kai riba di se kabesa, pa e pañadu na gera, e lebadu pa katiberasku na utru tera.

Neemias 5:10

Ami ku ña ermons tambi, ku ña rapasis, no ciga di pista elis diñeru ku arus. I bon pa no disa e manera di kobra juru!

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Salmus 90:11

Kin ku kunsi forsa di bu raiba? Kin ku kunsi ki medu ku bu raiba pudi tisi?

Ditus 16:29

Omi violentu ta ngana si kumpañer, i ta lebal na kamiñu ki ka bon.

Ditus 17:26

I ka bon pa kastiga algin ku ka ten kulpa, ku fadi pa ŝefis suta kil ku na tarbaja diritu.

Ditus 18:5

I ka bon pa toma parti di algin ku ten kulpa, bu nega fasi justisa pa kil ku ten roson.

Ditus 19:2

I ka bon pa fasi un kusa sin pensa; kil ku ta turmenta na fasi kusa i ta bin yara.

Ditus 24:23

Ali mas ditus ku jinti jiru papia: Na julgamentu bu ka pudi diferensia jinti.

Ezekiel 36:20

Kualker kau ke bai na metadi di nasons, e dana ña nomi sagradu, pabia jinti ta fala delis: ‘Esis e sedu pobu di SIÑOR, ma e tenba ku sai na si tera.’

Sirmonias 25:36

Ka bu kobral nin un koldadi juru, ma rispita bu Deus, pa bu parenti mora ku bo.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Romanus 2:24

Asin, suma ki sta skritu: “Jintius na njuti nomi di Deus pabia di bos.”

1 Timótiu 5:14

Asin, N ta misti pa viuvas mas nobu kasa, pa e tene fijus, e trata di se kasa, pa ka e da motivu pa inimigu fala mal,

Titu 2:5

pa e sedu puru, e sedu bon, pa e sibi guberna se kasa diritu, e rispita se omis, pa ka da motivu pa jinti fala mal di palabra di Deus.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

1 Samuel 2:24

Nau, ña fijus! Es i ka bon fama ku N na obi. Bo na pui pobu di SIÑOR pa e kebra lei.