Neemias 5:12 - BIBLIA - traduson antigu in Krioulo

¹² E fala: “No na torna elis; no ka na pidi elis mas nada. No na fasi suma ku bu fala.” N coma saserdotis pa e pui elis jurmenta pa ki palabras ke fala.

Neemias 5:12 ပူးပေါင်းရင်းမြစ်များ

Esdras 10:12

Tudu juntamentu di pobu ruspundi e fala ku vos altu: “I bardadi; no na fasi kil ku bu falanu.”

Esdras 10:5

Esdras lanta, i pui ŝefis di saserdoti ku levitas ku tudu Israel pa e jurmenta kuma e na fasi kil ku Sekanias fala. E jurmenta.

Neemias 10:29

e na junta ku se ermons, ku sedu se ŝefis, e na jurmenta kuma e na kastigadu si e ka yanda na lei ku Deus da si servu Moisés; e na guarda, e na obdisi tudu ku SIÑOR no Deus mandanu na si leis ku si ordis.

Neemias 10:30

No ka na da no fijus femia pa e kasa ku stranjerus ku mora ne tera, nin no ka na toma se fijus femia pa no fijus.

Neemias 10:31

Si stranjerus na no tera tisi arus o kualker utru kusa pa bindi na dia di diskansu, o na utru dia sagradu, no ka na kumpra nada. Kada setimu anu no na disa con pa i diskansa; tambi no na purda tudu dibidas.

Neemias 13:25

N jusia ku ki omis, N maldisua elis, N suta utrus, N rinka elis kabelu, N pui elis pa e jurmenta na nomi di Deus, N fala: “Nunka mas bo ka na da bo fijus femia pa e kasa ku se fijus, nin bo ka na torna toma se fijus femia pa bo fijus, nin pa bos.

Neemias 5:11

N na pidi bos pa bo torna elis, aos propi, se lugaris, se ortas di uva ku di olivera, ku se kasas; bo torna elis tambi ki un na kada sen ku bo ta kobra elis na kusas ku bo pista elis, suma diñeru, arus, biñu ku azeiti.”

Mateus 26:63

Jesus fika kaladu. Ŝef di saserdotis torna falal: “Bu ten ku jurmenta pa Deus bibu, bu kontanu si abo i Kristu, Fiju di Deus.”

Lukas 19:8

Zakeu lanta, i fala Siñor: “Jubi, Siñor, N na da pobris metadi di ña rikesa. Si kontra N ngana algin na kualker kusa, N sta pruntu pa tornal kuatru bias mas.”