Neemias 5:10 - BIBLIA - traduson antigu in Krioulo

¹⁰ Ami ku ña ermons tambi, ku ña rapasis, no ciga di pista elis diñeru ku arus. I bon pa no disa e manera di kobra juru!

Neemias 5:10 ပူးပေါင်းရင်းမြစ်များ

Neemias 10:32

Tudu anu kada un di nos na da 5 grama di prata pa dispesas di sirvis di kasa di no Deus:

Neemias 5:11

N na pidi bos pa bo torna elis, aos propi, se lugaris, se ortas di uva ku di olivera, ku se kasas; bo torna elis tambi ki un na kada sen ku bo ta kobra elis na kusas ku bo pista elis, suma diñeru, arus, biñu ku azeiti.”

Neemias 5:7

N fika N na pensa ne kusa; dipus N jusia ku garandis ku ŝefis, N fala elis: “Bo na toma juru di bo parentis.” N coma runion garandi pa trata ku elis,

Neemias 5:9

N fala elis mas: “Kusa ku bo na fasi i ka bon. Nta bo ka dibi di yanda ku rispitu pa no Deus pa no inimigus jintius ka pudi culinu dedu?

Salmus 15:5

i ta pista si diñeru sin kobra juru; i ka ta seta suku di bas pa julga kontra kil ku ka ten kulpa. Kil ku ta fasi e kusas, nunka i ka na bulbulidu.

Isaias 58:6

“Es i junjun ku N kuji: pa bu dismanca kilis ku maradu ku korenti di injustisa, bu sapa kordas di katibus, bu larga kilis ku kalkadu, bu padasa tudu korentis.

Ezekiel 18:13

i ta pista si diñeru pa bin kobra juru, i ta toma pagamentu ciu dimas. Es i pudi bibu? Nau, i ka na bibu! Pabia di tudu ki kusas nujenti ki fasi, i na matadu; kulpa na sedu di sil.

Ezekiel 18:7

I ka ta kalka ningin, ma, si algin mpiñal un kusa, i ta tornal el. I ka ta furta, ma i ta da kumida pa kilis ku tene fomi; i ta da ropa pa kilis ku sta nun.

Ezekiel 18:8

I ka ta pista si diñeru pa bin kobra juru; i ka ta seta toma kil ki ka dibi di toma. I ta disvia si mon di fasi mal; i ta fasi justisa di bardadi na metadi di dus jinti ku na diskuti.

Mikeias 2:1

Ai di kilis ku dita na se kamas, e pensa na mal, e fasi planus malvadu; ora ku sol mansi e ta pul na pratika, pabia forsa sta na se mon.

2 Koríntius 5:11

Suma no sibi kuma ku Siñor dibi di rispitadu, no ta misti konvensi jinti. Deus kunsinu diritu; no na pera kuma abos tambi bo kunsinu diritu dentru di bo korson.

2 Koríntius 5:20

Asin, no bin suma mbaŝadur di Kristu. I suma ki Deus propi ku na roga bos ku no boka. No pidi bos, na nomi di Kristu, pa bo fasi pas ku Deus.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Ripitison di Lei 15:2

Asin ki na fasidu: Si algin pistaba si kumpañer o si ermon un kusa, i ten ku purdal, i ka na kobral el, pabia purdon di SIÑOR i anunsiadu.