Neemias 4:6 - BIBLIA - traduson antigu in Krioulo

⁶ Asin no bai dianti, no kumpu mura tok i ciga na metadi di si altura tudu na roda, pabia korson di pobu staba pruntu pa tarbaja.

Neemias 4:6 ပူးပေါင်းရင်းမြစ်များ

1 Kronikas 29:14

“Anos i kin, ami ku ña pobu, pa no pudi dau tudu e kusas di bon vontadi? Tudu bin di bo; no dau son kil ku bin di bu mon.

1 Kronikas 29:3

Fora di tudu ku N purpara ja pa kau sagradu, N na da uru ku prata di mi propi, pabia di amor ku N ten pa kasa di ña Deus.

2 Kronikas 29:36

Ezekias ku tudu pobu e kontenti ku kil ku Deus purpara pa pobu, pabia kusa bin kontisi di repenti.

Neemias 4:5

Ka bu kubri se kulpa, nin ka bu riska se pekadu bu dianti, pabia e koba jinti ku na tarbaja.”

Neemias 4:7

Oca ku Sambalat ku Tobias, ku jinti di Arabia, Amon ku Asdod, obi kuma tarbaju di kumpu mura di Jerusalen na bai dianti, kuma burakus na tapaduba ja, e paña raiba ciu.

Neemias 6:15

Dipus di sinkuenta i dus dia di tarbaju, mura kaba na dia 25 di mis di Elul.

Salmus 110:3

Bu tropas na pursenta di bon vontadi na dia ku bu bai gera. Suma serenu di mandrugada bu jovens na bin pa bo, fajadu ku puder sagradu.

Salmus 122:3

Jerusalen kumpudu suma prasa ku tene kasas pertu di ŋutru.

Aẑeu 1:14

SIÑOR disperta spiritu di Zorobabel, fiju di Sealtiel, gubernadur di Judá, ku spiritu di Josué, fiju di Jeozadak, ŝef di saserdotis, ku spiritu di restu di pobu; e bin e pega na tarbaju na kasa di SIÑOR ku ten tudu puder, se Deus,

Filipensis 2:13

pabia i Deus ku ta tarbaja na bos pa da bos diseẑu ku puder pa kumpri si bon vontadi.

Ebreus 13:21

pa i fasi bos kompletu na kil ki bon, pa bo pudi fasi si vontadi. N misti pa i fasi di nos kil ki misti pa no sedu, pa mon di Jesus Kristu, kil ku no na da gloria pa sempri. Amen.