Neemias 4:14 - BIBLIA - traduson antigu in Krioulo

¹⁴ N jubi kuma ku jinti staba, N lanta N fala garandis ku ŝefis ku restu di jinti: “Ka bo ten medu delis; bo lembra di SIÑOR, garandi, ku jinti dibi di medi; bo geria pa bo ermons, bo fijus, bo minjeris ku bo kasas.”

Neemias 4:14 ပူးပေါင်းရင်းမြစ်များ

2 Samuel 10:12

Sedu forti! No geria ku koraẑen pa no pobu ku prasas di no Deus. SIÑOR ta fasi konformi si vontadi.”

2 Kronikas 32:7

“Bo sedu forti, bo ten koraẑen; ka bo medi nin ka bo panta pabia di rei di Asiria, nin pabia di ki manga di jinti ku sta ku el, pabia puder ku sta ku nos i mas di selis.

Neemias 1:5

N fala: “SIÑOR, Deus di seu, Deus garandi, meduñu, ku sedu bon i fiel na guarda kontratu ku kilis ku amau, ku ta obdisi bu mandamentus,

Jo 37:22

Di norti sol ta ojadu, ku lus bonitu, kor di uru; Deus ta bin suma rei meduñu.

Salmus 143:5

N ta lembra di dias ku pasa, N ta pensa na bu tarbaju, tudu kusas ku bu mon fasi.

Salmus 20:7

Utrus ta fiansa na karus, utrus na kabalus, ma anos, no na fiansa na nomi di SIÑOR no Deus.

Salmus 27:1

SIÑOR i ña lus, i ña salbason; kin ku N na medi? SIÑOR i suguransa pa ña vida; kin ku N dibi di medi?

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 65:5

Bu ta ruspundinu ku kusas meduñu ku bu fasi ku retidon, o Deus di no salbason. Abo i speransa di jinti di tudu parti di mundu, ku kilis ku sta lunju, riba di mar.

Salmus 66:3

Bo fala Deus: “Kusas ku bu fasi i meduñu! Bu puder i garandi dimas tok bu inimigus rakua ku medu.

Salmus 66:5

Bo bin bo jubi tarbaju di Deus; kusas ki fasi pa juda jinti i meduñu.

Saida 14:14

SIÑOR na geria pa bos; bo kala son!”

Saida 14:25

SIÑOR pui rodas di se karus pa e ntola, tok e na yanda kansadu. Ejipsius fala: “No kuri delis, pabia SIÑOR na geria pa Israel kontra ejipsius.”

Eklesiastis 12:1

Na dias di bu nobresa, lembra di kil ku kumpou, antis di ki dias mau ciga, ku ki anus ku bu na bin fala: “N ka ten sabi.”

Daniel 11:32

Ku palabra sabi i na ngaña kilis ku bandona kontratu, ku sedu lei di Moisés, ma kilis ku kunsi se Deus e na fika firmi, e na geria.

Zakarias 14:3

SIÑOR na sai, i na geria kontra ki nasons, suma ki ta geriaba na tempu ku pasa.

Numerus 14:9

Ka bo sedu rebeldi kontra SIÑOR; ka bo medi jinti di ki tera, pabia e na sedu suma kumida pa nos. E pirdi ja se proteson; SIÑOR sta ku nos; ka bo ten medu delis.”

Mateus 10:28

Ka bo medi kilis ku ta mata kurpu, e ka pudi mata alma, ma bo medi Deus ku pudi mata kurpu ku alma na nfernu.

Ripitison di Lei 1:21

Ali tera ku SIÑOR bo Deus pui bo dianti; bo bai bo tomal, suma ku SIÑOR Deus di bo papes fala. Ka bo medi, nin ka bo panta.”

Ripitison di Lei 10:17

SIÑOR bo Deus i Deus riba di tudu deusis, SIÑOR riba di tudu siñoris, Deus garandi, ku jinti dibi di medi, ku ten puder, ku ka ta fasi skuju nin i ka ta seta suku di bas.

Ebreus 13:6

E ku manda no pudi fala ku fiansa: “Siñor i ña Judadur; N ka na medi. Ke ku algin pudi fasin?”

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Ŝefis 3:27

Oca ki ciga la, i toka korneta na montañas di Efrain. Fijus di Israel ria na montañas ku el. El i bai se dianti,