Neemias 4:11 - BIBLIA - traduson antigu in Krioulo

¹¹ Tambi no inimigus fala: “E ka na sibi nada, nin e ka na nota, tok no yentra na se metadi, no mata elis. Asin no ta kaba ku ki tarbaju.”

Neemias 4:11 ပူးပေါင်းရင်းမြစ်များ

2 Samuel 17:2

N na pañal ora ki sta kansadu, sin forsa; N na mitil medu; asin tudu jinti ku sta ku el e na kuri. Dipus, N na matal, el son.

Neemias 4:10

Jinti di Judá fala: “Forsa di kargaduris kaba ja. Reia ciu dimas; no ka na bin pudi kumpu mura.”

Neemias 4:12

Judeus ku moraba na se metadi e bin avisanu des bias kuma inimigus na sai na tudu lugar pa bin atakanu.

Neemias 4:9

ma no ora no Deus, no pui guarda kontra elis di dia ku di noti.

Salmus 56:6

E ta junta, e sukundi, e montia kau ku N na bai; e pera ora pa matan.

Isaias 47:11

Pabia di kila i na bin un mal riba di bo, ku bu ka na pudi tajal ku futis, nin bu ka na pudi lunjusil, pabia garandi disgrasa na bin di repenti riba di bo ku bu ka na spera.

Atus 23:12

Oca ku sol mansi, utru judeus junta, e fasi un juramentu, e fala e ka na kume nada, e ka na bibi, tementi e ka mata Paulu.

Atus 23:21

Ka Ñu fia, pabia mas di korenta omi na se metadi yarma mboskada; e jurmenta kuma, kusa mau na oja elis si e kume o e bibi tementi e ka mata Paulu. E sta pruntu, e na pera son pa Ñu seta.”

1 Tesalonisensis 5:2

pabia abos propi bo sibi kuma Dia di Siñor na bin suma ku ladron ta bin di noti.