Neemias 3:1 - BIBLIA - traduson antigu in Krioulo

¹ Ŝef di saserdoti Eliasib ku si ermons saserdotis e lanta e kumpu porton di karnel, e pui si portas na lugar. E kontinua kumpu te na tori di Meá ku tori di Ananeel; e dedika kila tudu.

Neemias 3:1 ပူးပေါင်းရင်းမြစ်များ

Neemias 12:10

Jesua padi Joiakin, Joiakin padi Eliasib, Eliasib padi Joiada,

Neemias 12:30

Saserdotis ku levitas e fasi sirmonia di purifikason pa se kabesa, dipus pa pobu, pa portons ku mura.

Neemias 12:39

no pasa porton di Efrain, porton beju, porton di pis, tori di Ananeel, tori di Meá ku porton di limarias; no bai para na porton di guarda.

Neemias 13:28

Un fiju di Joiada, fiju di Eliasib, ŝef di saserdotis, i kasaba fiju di ki oronita Sambalat. Asin N tiral ña dianti.

Neemias 13:4

Antis di kila, saserdoti Eliasib, ku tenba konta di armazens di kasa di no Deus, i ranja parentasku ku Tobias,

Neemias 3:20

Dipus Baruk, fiju di Zabai, tarbaja ku tudu korson, i kumpu utru parti, desdi skina te na porta di kasa di Eliasib, ŝef di saserdotis.

Neemias 3:21

Lungu del Meremot, fiju di Urias, fiju di Koz, kumpu un sugundu parti, desdi porta di kasa di Eliasib te na si kabantada.

Neemias 3:32

Urivis ku nogosiantis kumpu se parti desdi kuartu di kantu te na porton di karnel.

Neemias 6:1

Oca ku Sambalat, Tobias, ku ki arabi Jesen, ku restu di no inimigus, obi kuma N kumpu ja mura, N tapa burakus tudu, kontudu N ka puiba inda portas na portons,

Neemias 7:1

Oca ku mura kaba kumpudu, N koloka portas na portons. Dipus, porterus nomiadu; kantaduris ku levitas dadu se tarbaju.

Salmus 30:1

O SIÑOR, N na garandisiu, pabia abo bu garandisin; bu ka disa ña inimigus ŋuminin.

Salmus 48:12

Bo yanda na roda di Sion, na tudu ladu; bo fasi konta di si toris;

Ditus 3:6

Pensa nel na tudu ku bu na fasi; el i na ndiritau bu kamiñu.

Ditus 3:9

Da gloria pa SIÑOR ku bu rikesa, ku tudu purmeru frutu di bu labur.

Jeremias 31:38

SIÑOR fala: “I na ciga tempu ku e prasa na torna kumpudu pa mi, desdi tori di Ananeel te na porton di skina.

Daniel 9:25

“Obi, bu ntindi. Disna ku ordi sai pa torna kumpu Jerusalen te na tempu ku ki algin ciga ku Deus kuji pa i sedu rei, i na ten korenta i novi anu. Prasa na kumpudu ku stradas ku baletas; i na tarda pa kuatrusentus i trinta i kuatru anu, ma na un tempu di kansera.

Zakarias 14:10

Tudu reẑion di Jeba na norti te na Rimon, ku sta na ladu di sul di Jerusalen, i na bida rasu. Jerusalen na fika altu, na si lugar, desdi porton di Benjamin te na porton di skina nunde ku purmeru porton staba, desdi tori di Ananeel te na kau di masa uva pa biñu di rei.

Bon Noba di Jesus Kristu ku Jon 5:2

I tenba na Jerusalen, pertu di porton di karnel, un pisina ku ta comadu Betesda na lingua ebraiku. I tenba sinku baranda na roda del.

Ripitison di Lei 20:5

Ŝefis di tropa na punta se jinti: “I ten omi li ku kumpu kasa nobu, i ka dedikal inda? Minjor i riba pa kasa, pa ka i bin bai muri na gera; utru algin ta dedikal.