Neemias 2:8 - BIBLIA - traduson antigu in Krioulo

⁸ N pidi tambi karta pa Asaf, guarda di floresta di rei, pa i pudi dan madera pa vigas di portas di fortalesa di templu, tambi pa mura di prasa, ku kasa nunde ku N na bin bai sta nel.” Rei dan ki kartas, pabia bon mon di Deus staba riba di mi.

Neemias 2:8 ပူးပေါင်းရင်းမြစ်များ

Kumsada 32:28

Omi falal: “Bu nomi ka na sedu mas Jakó, ma Israel, pabia bu luta ku Deus, tambi ku omis, bu ngaña.”

Esdras 5:5

Ma uju di Deus staba riba di garandis di judeus; ki jinti ka tuji elis tarbaja, tementi e ka manda asuntu pa Dariu, e ka risibi karta di rasposta.

Esdras 6:22

Pa seti dia e guarda festival di pon sin fermentu ku kontentamentu, pabia SIÑOR pui elis pa e kontenti, manera ki muda korson di rei di Asiria pa i mostra elis fabur, i juda elis na obra di kasa di Deus di Israel.

Esdras 6:8

Tambi N na da ordi pa bo pudi sibi ke ku bo na fasi pa garandis di judeus, pa e pudi kumpu ki kasa. Pa obra ka para, dispesas di ki omis ten ku pagadu na tempu sertu, di finansas di rei, di mpustus ku na pagadu la na Trans-Eufrates.

Esdras 7:6

Esdras seduba pursor ku kunsiba lei diritu, ki lei ku SIÑOR Deus di Israel daba Moisés. Mon di SIÑOR si Deus staba riba del; asin rei dal tudu ki pidil. Esdras sai na Babilonia,

Esdras 7:9

Si bias di Babilonia kumsa na dia 1 di purmeru mis; i ciga na Jerusalen na dia 1 di kintu mis, pabia bondadi ku puder di si Deus staba riba del.

Neemias 7:2

N pui dus omi riba di Jerusalen, ku sedu Anani, ña ermon, ku Ananias, ŝef di lugar forti, pabia i seduba fiel, tambi i ta rispitaba Deus mas di ki manga di jinti.

Ditus 21:1

SIÑOR ta diriẑi pensamentus di rei suma ki ta pui yagu na riusiñus pa i kuri na manera ku el i misti.

Eklesiastis 2:5

N fasi ortas ku jardins, N paranta nelis tudu koldadi pe di fruta.

Eklesiastis 2:6

N koba fontis pa regua ña laburis, nunde ku tudu ki pe di fruta na lanta bonitu.

Isaias 66:14

Bo na oja e kusa, bo korson na kontenti; bo os na torna forti suma paja nobu. Puder di SIÑOR na kunsidu na metadi di si servus, ma i na mostra si raiba kontra si inimigus.

Daniel 1:9

Deus pui ki ŝef di funsionarius pa i mostra fabur ku bondadi pa Daniel,

Atus 26:22

ma Deus judan sempri; e ku manda te gosi N sta bibu, N na da tustumuñu pa jinti garandi tudu ku koitadis. N ka na fala nada, son ke ku anunsiaduris ku Moisés fala kuma i ten ku sedu,

Atus 7:10

i libral di tudu si kansera, i dal jiresa, ku fabur na uju di Faraó, rei di Ejitu, ku pul gubernadur pa i manda na Ejitu ku tudu si palasiu.

2 Koríntius 8:16

No na fala Deus obrigadu manera ki pui mesmu diseẑu na korson di Titu suma no ten, pa juda bos.