Neemias 2:17 - BIBLIA - traduson antigu in Krioulo

¹⁷ Dipus N fala elis: “Bo oja miseria ku no sta nel; Jerusalen danadu, si portas kemadu ku fugu. Bo bin pa no torna kumpu mura di Jerusalen, pa ka no fika mas na borgoña.”

Neemias 2:17 ပူးပေါင်းရင်းမြစ်များ

Esdras 9:9

Na bardadi no sedu inda katibus, ma no Deus ka bandonanu na no katiberasku; i pui reis di Persia mostra fabur pa nos, pa no pudi tene vida nobu, no lantanda kasa di no Deus ku staba tudu danadu, pa no tene paredi pa fika suguru na Judá ku Jerusalen.

Neemias 1:3

E falan: “Kilis ku sobra di katiberasku ku sta la na pruvinsia di Judá e sta na garandi kasabi; jinti ta njuti elis. Mura di Jerusalen kai; si portons kemadu ku fugu.”

Neemias 2:13

Ki di noti N sai na porton di kobon, N pasa pa banda di fonti di dragon, ku porton di muntudu. N fika N na jubi diritu kaus nunde ku mura di Jerusalen findiba, ku si portons kemadu ku fugu.

Neemias 2:16

Ŝefis ka sibi nunde ku N bai, nin ke ku N na fasi, pabia te na ki tempu N ka konta judeus nada inda, nin garandis, nin ŝefis, nin kilis ku na bin fasi ki tarbaju.

Neemias 3:15

Salun, fiju di Kol-Ozi, ŝef di bairu di Mizpá, i kumpu porton di fonti, i pui kankra riba del, i pui portas ku ficaduras ku trinkus na se lugar. Tambi i kumpu mura di pisina di Sela, lungu di jardin di rei, te na skada ku ta ria di prasa di Davi.

Salmus 102:15

Nasons na rispita nomi di SIÑOR; tudu reis di mundu na rispita si gloria,

Salmus 44:13

Bu pui pa no visiñus njutinu; kilis ku sta na no roda e ta ri, e fasinu trosa.

Salmus 44:14

Bu punu suma ditu na metadi di nasons; e na balansa kabesa pa nos.

Salmus 79:12

SIÑOR, paga no visiñus seti bias mas di ki disprezu ke ferca pa bo.

Salmus 79:4

No visiñus ku sta na no roda e kobanu mal, e ri, e fasinu trosa.

Jeremias 24:9

N na tisi mal riba delis, tok jinti di tudu renus di mundu ta sinti medu; e njuti elis, e papia ditu aserka delis, e fasi elis trosa, e maldisua elis na tudu kau ku N bota elis.

Miskiñu di Jeremias 2:2

SIÑOR nguli tudu moradas di Jakó, i ka sinti pena delis. Na si raiba i bati kaus forti di Judá. i bota elis na con; i trata renu ku si ŝefis suma jinti impuru.

Miskiñu di Jeremias 3:51

Ña korson ta fika tristi ora ku N oja ke ku pasa ku minjeris di ña prasa.

Ezekiel 5:14

“N na danau, pa utru nasons na bu roda fasiu trosa na uju di tudu jinti ku na pasa.

Mikeias 7:11

Pobu di Jerusalen, dia na ciga pa torna kumpu bu muras; na ki dia bu na ciganta mura, pa prasa fika mas largu.

1 Samuel 11:2

Ki amonita Naás fala elis: “N na fasi kontratu ku bos son si N rinka uju direita di kada un di bos, pa N pudi tisi disgrasa na tudu Israel.”