Neemias 13:5 - BIBLIA - traduson antigu in Krioulo

⁵ i ranjal un kuartu garandi, nunde ke ta rakadaba ofertas di kumida, nsensu, tiẑelas ku utru losa, ku ofertas pa saserdotis, ku dizimus di garan suma miju, di biñu ku azeiti ku dibi di daduba pa levitas, kantaduris ku porterus.

Neemias 13:5 ပူးပေါင်းရင်းမြစ်များ

2 Kronikas 31:11

Ezekias da ordi pa e purpara kuartus di armazen na kasa di SIÑOR; asin e purpara elis.

2 Kronikas 34:11

E da tambi karpinterus diñeru, ku pedrerus, pa e pudi kumpra pedras kortadu ku madera pa vigas ku asna pa kasas ku reis di Judá bandona tok e dana.

Neemias 10:36

Konformi i sta skritu na lei, no na leba no purmeru fijus, ku purmeru fijus di no limarias, no baka ku no karnel, pa kasa di no Deus, pa saserdotis ku ta sirbi la.

Neemias 10:37

Tambi, ora ku no masa purmeru miju, no na lebal pa armazens di kasa di no Deus, no na ntrega saserdotis, ku utru ofertas di biñu ku azeiti ku tudu koldadi fruta. No na leba desimu parti di prudutu di no con pa levitas, pabia i elis ku ta kuji dizimus na tudu tabankas di labur.

Neemias 10:38

Un saserdoti di jorson di Aron ten ku kumpaña levitas ora ke na risibi dizimus. Levitas na leba desimu parti di dizimus pa kasa di no Deus, pa armazens la.

Neemias 12:44

Na ki mesmu dia utru omis e nkargadu di armazens nunde ku ofertas ta pudu, ku purmeru prudutus, ku dizimus. E tenba ku rukuji la ki ofertas ku bin di pontas na roda di prasas, ku lei manda pa da saserdotis ku levitas, pabia pobu di Judá staba kontenti ku saserdotis ku levitas ku na sirbi la.

Neemias 13:7

N riba pa Jerusalen. N bin sibi di ki mal ku Eliasib fasiba, manera ki da Tobias un kuartu dentru di kintal di kasa di Deus.

Ezekiel 40:38

I tenba un kuartu ku porta lungu di sala di porton, nunde ke ta laba limarias ku na kemadu pa oferta.