Neemias 13:22 - BIBLIA - traduson antigu in Krioulo

²² Dipus N fala utru levitas pa e fasi sirmonia di purifikason, pa e pudi bin guarda porton, pa dia di diskansu pudi sedu un dia sagradu. Ña Deus, lembra di mi pabia de kusa tambi, bu purdan konformi rikesa di bu bondadi.

Neemias 13:22 ပူးပေါင်းရင်းမြစ်များ

2 Reis 20:3

“O SIÑOR! Lembra di manera ku N yanda bu dianti na bardadi, ku tudu ña korson, N fasi kusas ku bu misti pa N fasi.” Dipus i kumsa na cora risu.

2 Reis 23:4

Rei da ordi pa Ilkias, ŝef di saserdotis, ku si sugundus, ku porterus, pa e tira na templu di SIÑOR tudu kusas ku kumpuduba pa Baal, pa Aserá ku tudu strelas di seu. Rei kema elis fora di Jerusalen, na kobon di Sedron, i leba sinsa pa Betel.

2 Kronikas 29:24

Saserdotis mata ki kabras, e waga se sangi riba di altar suma oferta pa purdon di pekadu di tudu Israel, pabia rei daba ordi pa e pursenta oferta kemadu ku oferta pa purdon di pekadu pa tudu Israel.

2 Kronikas 29:27

Ezekias da ordi pa kumsa kema oferta riba di altar. Oca ku ki oferta kumsa na kemadu, jintis kumsa na kanta pa SIÑOR, kumpañadu ku toku di kornetas ku instrumentus di Davi, rei di Israel.

2 Kronikas 29:30

Rei Ezekias ku ŝefis e fala levitas pa e ngaba SIÑOR ku ki palabras di Davi ku di anunsiadur Asaf. Asin e kanta ku kontentamentu pa ngaba Deus, e mpina e adoral.

Neemias 12:10

Jesua padi Joiakin, Joiakin padi Eliasib, Eliasib padi Joiada,

Neemias 12:30

Saserdotis ku levitas e fasi sirmonia di purifikason pa se kabesa, dipus pa pobu, pa portons ku mura.

Neemias 13:14

Ña Deus, lembra di mi; ka bu diskisi di bon kusas ku N fasi pa bu kasa ku kilis ku na sirbi la.

Neemias 13:31

N ranja tambi pa jinti tisi leña na tempus markadu; N pui pobu pa e tisi purmeru parti di se kebur. Ña Deus, lembra di mi ku fabur.

Neemias 5:19

Ña Deus, lembra di mi ku fabur pa tudu kusa ku N fasi pa e pobu.

Salmus 130:7

Israel, pui bu speransa na SIÑOR, pabia SIÑOR ten garandi bondadi, i ta liberta kompletu.

Salmus 5:7

Pabia di garandesa di bu bondadi, N na yentra na bu kasa, N na mpina ku rispitu dianti di bu kau sagradu.

Salmus 51:1

Ten pena di mi, o Deus, konformi bu bondadi; Suma ku bu amor i garandi, riska ki mal ku N fasi.

Isaias 38:3

i fala: “O SIÑOR, lembra kuma ku N yanda diritu bu dianti ku korson limpu, N fasi kusas bon na bu uju.” Dipus i cora ciu.

Isaias 49:23

Reis na teneu suma bu pape; se raiñas na tratau suma bu mame. E na limbi puera di bu pe. Abo bu na sibi kuma N sedu SIÑOR; kilis ku fia na mi e ka na kunfundidu.”

Isaias 55:7

Omi malvadu pa i disa si kamiñu ku si mau pensamentus, pa i konverti, i riba pa SIÑOR no Deus ku ta ten pena del, pabia i sta sempri pruntu pa purda.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Ripitison di Lei 5:12

“Lembra di dia di diskansu, bu pul aparti, suma ku SIÑOR bu Deus mandau.