Neemias 13:12 - BIBLIA - traduson antigu in Krioulo

¹² Asin pobu di Judá kumsa mas tisi dizimus di garan, biñu ku azeiti pa armazens.

Neemias 13:12 ပူးပေါင်းရင်းမြစ်များ

2 Kronikas 31:4

I da ordi pa pobu ku moraba na Jerusalen pa e da kil ku dibi di dadu pa saserdotis ku levitas, pa e pudi dedika se tempu na lei di SIÑOR.

2 Kronikas 31:5

Oca ku ki ordi anunsiadu, fijus di Israel tisi manga di kusa di purmeru parti di se kebur: trigu, biñu nobu, azeiti, mel, ku tudu prudutu di tera. E tisi tambi dizimu ciu di tudu kusa.

Neemias 12:44

Na ki mesmu dia utru omis e nkargadu di armazens nunde ku ofertas ta pudu, ku purmeru prudutus, ku dizimus. E tenba ku rukuji la ki ofertas ku bin di pontas na roda di prasas, ku lei manda pa da saserdotis ku levitas, pabia pobu di Judá staba kontenti ku saserdotis ku levitas ku na sirbi la.

Sirmonias 27:30

“Un dizimu di tudu prudutu di con ku fruta di arvuris i di SIÑOR; i sagradu pa el.

Malakias 3:10

Bo tisi tudu dizimus pa armazen di templu, pa kumida pudi ten na ña kasa; dipus bo ta proban, ami, SIÑOR ku ten tudu puder, pa jubi si N ka na yabri janelas di seu, pa darma riba di bos un benson garandi, tok bo ka na tene kau di pui.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Ripitison di Lei 14:22

Kada anu bu ten ku separa un desimu parti di tudu prudutu di bu labur.