Neemias 13:10 - BIBLIA - traduson antigu in Krioulo

¹⁰ N bin sibi tambi kuma levitas e ka na daduba se sustentu, ku manda levitas ku kantaduris disaba ja se sirvis na templu; kada kin riba pa si kau.

Neemias 13:10 ပူးပေါင်းရင်းမြစ်များ

2 Kronikas 31:4

I da ordi pa pobu ku moraba na Jerusalen pa e da kil ku dibi di dadu pa saserdotis ku levitas, pa e pudi dedika se tempu na lei di SIÑOR.

Neemias 10:37

Tambi, ora ku no masa purmeru miju, no na lebal pa armazens di kasa di no Deus, no na ntrega saserdotis, ku utru ofertas di biñu ku azeiti ku tudu koldadi fruta. No na leba desimu parti di prudutu di no con pa levitas, pabia i elis ku ta kuji dizimus na tudu tabankas di labur.

Neemias 10:39

Fijus di Israel, tudu ku levitas, e dibi di leba se ofertas di arus, biñu ku azeiti pa ki armazens nunde ku ekipamentu pa santuariu ta guardadu, nunde ku saserdotis di sirvis ku porterus ku kantaduris ta fika. Asin no ka na disa di toma konta di kasa di no Deus.

Neemias 12:47

Asin, na tempu di Zorobabel ku di Neemias, tudu Israel ta daba ofertas, pa kantaduris ku porterus pudi tene kil ke pirsisa kada dia; tambi e ta da ki oferta sagradu pa levitas; levitas ta da se oferta pa fijus di Aron.

Isaias 43:23

Bu ka tisin karnel pa oferta kemadu, nin bu ka dan onra ku bu sakrifisius. N ka obriga bos tisin ofertas, nin N ka kansa bos pa bo tisin nsensu.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Numerus 35:2

“Da ordi pa fijus di Israel di kuma e ten ku da levitas prasas pa e mora nel, ku terenu na roda delis. E ta tira ki prasas na se yardansa.

Ripitison di Lei 12:19

Toma sintidu pa ka bu diskisi di jubi levita; bu dal kil ki di sil nkuantu bu na vivi na bu tera.