Neemias 12:47 - BIBLIA - traduson antigu in Krioulo

⁴⁷ Asin, na tempu di Zorobabel ku di Neemias, tudu Israel ta daba ofertas, pa kantaduris ku porterus pudi tene kil ke pirsisa kada dia; tambi e ta da ki oferta sagradu pa levitas; levitas ta da se oferta pa fijus di Aron.

Neemias 12:47 ပူးပေါင်းရင်းမြစ်များ

2 Reis 25:30

Kada dia i ta risibiba si sustentu na mon di rei pa tudu si vida.

2 Reis 7:10

Asin e ciga, e coma guardas di porton di prasa, e fala elis: “No baiba pa kampamentu di sirianus, no ciga la, no ka oja ningin, nin no ka obi fála; son kabalus ku burus ku staba la maradu, ku tendas disadu suma ke staba.”

Esdras 2:2

E bin ku Zorobabel, Jesua, Neemias, Seraias, Reelaias, Mardokeu, Bilsan, Mizpar, Bigvai, Reun ku Baanáp. Ali lista ku numerus di omis di Israel: Fijus di Parós, 2.172 Fijus di Sefatias, 372 Fijus di Ará, 775 Fijus di Paat-Moab, di fijus di Jesua ku di Joab, 2.812 Fijus di Elan, 1.254 Fijus di Zatu, 945 Fijus di Zakai, 760 Fijus di Bani, 642 Fijus di Bebai, 623 Fijus di Azgad, 1.222 Fijus di Adonikan, 666 Fijus di Bigvai, 2.056 Fijus di Adin, 454 Fijus di Ater, di Ezekias, 98 Fijus di Bezai, 323 Fijus di Jora, 112 Fijus di Asun, 223 Fijus di Jibar, 95 Omis di Belen, 123 Omis di Netofá, 56 Omis di Anatot, 128 Omis di Azmavet, 42 Omis di Kiriat-Arin, Kefira ku Beerot, 743 Omis di Ramá ku Gaba, 621 Omis di Mikmás, 122 Omis di Betel ku Ai, 223 Omis di Nebu, 52 Omis di Magbis, 156 Omis di utru prasa comadu Elan, 1.254 Omis di Arin, 320 Omis di Lod, Adid ku Onu, 725 Omis di Jerikó, 345 Omis di Senaa, 3.630

Neemias 11:23

I tenba ordi di rei aserka delis, ku ta rapati elis na grupus. Kada grupu ta teneba sirvis na si dia markadu.

Neemias 12:1

Es i lista di saserdotis ku levitas ku riba ku Zorobabel, fiju di Sealtiel, tambi ku Jesua: Seraias, Jeremias, Esdras,

Neemias 12:12

Na tempu di Joiakin, ŝefis di familia di saserdotis e seduba: Di familia: di Seraias, Meraias; di Jeremias, Ananias; di Esdras, Mesulan; di Amarias, Joanan; di Meliku, Jonatas; di Sekanias, José; di Arin, Adna; di Meraiot, Elkai; di Idu, Zakarias; di Jineton, Mesulan; di Abias, Zikri; di Miniamin ku di Moadias, Piltal; di Bilga, Samua; di Semaias, Jonatas; di Joiarib, Matenai; di Jedaias, Uzi; di Salai, Kalai; di Amok, Eber; di Ilkias, Asabias; di Jedaias, Netanel.

Neemias 12:26

E omis sirbiba na tempu di Joiakin, fiju di Jesua, fiju di Jozadak, suma tambi na tempu di gubernadur Neemias ku saserdoti Esdras, pursor di lei.

Gálatas 6:6

Si algin na nsinadu palabra di Deus, i dibi di rapati tudu kusa bon ki tene ku si pursor.

Ripitison di Lei 18:8

i ten ku kume si kiñon suma elis, nin si i tene diñeru di si kusas ki bindi.