Neemias 12:44 - BIBLIA - traduson antigu in Krioulo

⁴⁴ Na ki mesmu dia utru omis e nkargadu di armazens nunde ku ofertas ta pudu, ku purmeru prudutus, ku dizimus. E tenba ku rukuji la ki ofertas ku bin di pontas na roda di prasas, ku lei manda pa da saserdotis ku levitas, pabia pobu di Judá staba kontenti ku saserdotis ku levitas ku na sirbi la.

Neemias 12:44 ပူးပေါင်းရင်းမြစ်များ

1 Kronikas 23:28

E nkargadu di juda jorson di Aron na sirvis di kasa di SIÑOR, di toma konta di kintal ku kuartus, di juda na purifikason di tudu kusas sagradu, suma na kualker tarbaju di kasa di Deus.

1 Kronikas 26:20

Utru levitas tenba konta di rikesas di kasa di Deus ku armazens di ofertas sagradu.

1 Kronikas 9:26

I tenba kuatru ŝef di porterus ku seduba levitas, ku tenba kargu di kuartus ku armazens di kasa di Deus.

Neemias 10:36

Konformi i sta skritu na lei, no na leba no purmeru fijus, ku purmeru fijus di no limarias, no baka ku no karnel, pa kasa di no Deus, pa saserdotis ku ta sirbi la.

Ditus 8:34

Sortiadu i ki omi ku paran sintidu, i na pera na ña porta kada dia, i firma na entrada di ña kasa.

Isaias 40:31

ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Numerus 3:10

ma bu na pui Aron ku si fijus pa e fasi sirvis di saserdoti. Utru algin ku ciga pa fasi ki sirvis ten ku matadu.”

Romanus 12:7

Si i di tarbaju pratiku, i ta tarbaja. Si i di nsina, pa i ten vontadi di nsina.

Ripitison di Lei 18:8

i ten ku kume si kiñon suma elis, nin si i tene diñeru di si kusas ki bindi.