Neemias 12:39 - BIBLIA - traduson antigu in Krioulo

³⁹ no pasa porton di Efrain, porton beju, porton di pis, tori di Ananeel, tori di Meá ku porton di limarias; no bai para na porton di guarda.

Neemias 12:39 ပူးပေါင်းရင်းမြစ်များ

2 Reis 14:13

Jeoás, rei di Israel, toma Amazias prezu na Bet-Semes, i bai pa Jerusalen, i durba mura di prasa desdi porton di Efrain te na porton di Skina, un distansia di sentu i oitenta metru.

Neemias 12:40

Asin, ki dus koral di gardisimentu bai toma se lugar na kasa di Deus, ku ami tambi, ku metadi di ŝefis,

Neemias 3:1

Ŝef di saserdoti Eliasib ku si ermons saserdotis e lanta e kumpu porton di karnel, e pui si portas na lugar. E kontinua kumpu te na tori di Meá ku tori di Ananeel; e dedika kila tudu.

Neemias 3:25

Palal, fiju di Uzai, kumpu dianti di skina, ku dianti di ki tori ku ta sai na ki kasa di rei mas pa riba, lungu di kintal di kalabus. Dipus del Pedaias, fiju di Parós, kumpu si parti.

Neemias 3:3

Fijus di Asená kumpu porton di pis, e maderial, e pui si portas, tudu ku ficaduras ku trinkus.

Neemias 3:6

Jeoiada, fiju di Paseia, ku Mesulan, fiju di Besodeias, e kumpu porton beju, e maderial, e pui si portas, tudu ku ficaduras ku trinkus.

Neemias 8:16

Jinti sai, e tisi ramus, e kumpu barakas, kada kin riba di si kasa, o na si kintal, o kintal di kasa di Deus, o na prasa lungu di porton di yagu, o lungu di porton di Efrain.

Jeremias 31:38

SIÑOR fala: “I na ciga tempu ku e prasa na torna kumpudu pa mi, desdi tori di Ananeel te na porton di skina.

Jeremias 32:2

Na ki tempu tropas di rei di Babilonia e taja Jerusalen. Anunsiadur Jeremias staba ficadu na kintal di guarda di kasa di rei di Judá.

Sofonias 1:10

SIÑOR fala: “Na ki dia, gritu na obidu na porton di pis, ku baruju di jinti ku na cora na sugundu bairu di prasa, ku baruju garandi di kusas ku kebra ku bin di montis.

Bon Noba di Jesus Kristu ku Jon 5:2

I tenba na Jerusalen, pertu di porton di karnel, un pisina ku ta comadu Betesda na lingua ebraiku. I tenba sinku baranda na roda del.