Neemias 12:30 - BIBLIA - traduson antigu in Krioulo

³⁰ Saserdotis ku levitas e fasi sirmonia di purifikason pa se kabesa, dipus pa pobu, pa portons ku mura.

Neemias 12:30 ပူးပေါင်းရင်းမြစ်များ

Kumsada 35:2

Jakó fala si familia ku tudu kilis ku staba ku el: “Bo tira deusis strañu ku sta na bo metadi. Bo purifika, bo torkia bo ropa.

1 Kronikas 15:14

Asin saserdotis ku levitas e purifika, pa e pudi bai tisi arka di SIÑOR Deus di Israel.

2 Kronikas 29:34

Suma ku saserdotis ka ciu ba, e ka pudiba fola tudu ki limarias pa ofertas kemadu. Pabia di kila, levitas, se ermons, e juda elis tok tarbaju kaba, nkuantu utru saserdotis na purifikaba se kabesa, pabia levitas seduba mas fiel di korson na ladu di purifikason di ki saserdotis.

2 Kronikas 29:5

i fala elis: “Bo sukutan, abos levitas. Bo purifika bo kabesa, bo purifika tambi kasa di SIÑOR, Deus di bo papes; bo tira ki kusas ku na kontamina kau sagradu.

Esdras 6:21

Asin, fijus di Israel ku ribaba di katiberasku e kumel, juntu ku tudu kilis ku negaba kustumus susu di utru jinti ku moraba na tera di Judá, pa e pudi buska SIÑOR, Deus di Israel.

Neemias 13:22

Dipus N fala utru levitas pa e fasi sirmonia di purifikason, pa e pudi bin guarda porton, pa dia di diskansu pudi sedu un dia sagradu. Ña Deus, lembra di mi pabia de kusa tambi, bu purdan konformi rikesa di bu bondadi.

Neemias 13:30

Asin N purifika elis di tudu kusa di stranjeru, N organisa tarbaju di saserdotis ku levitas, kada kin ku si sirvis.

Jo 1:5

Dipus di un tempu di festa, Jo ta coma si fijus, i purifika elis, i ta mandurga pa pursenta ofertas kemadu, konformi numeru delis tudu, pabia i ta fala: “Talves ña fijus fasi pekadu, e papia mal di Deus na se korson.” Asin ku Jo ta fasiba sempri.

Saida 19:10

SIÑOR ruspundi i fala Moisés: “Bai pa elis, bu purifika elis aos ku amaña, pa e kontra ku mi. E ta laba se ropa,

Saida 19:15

Moisés fala elis: “Bo pruntia pa ermon di amaña; ka bo pertu minjer.”

Ebreus 5:1

Tudu ŝef di saserdoti i kujidu na metadi di omis, i pudu pa i sta dianti di Deus pa fabur di jinti, pa leba ofertas ku sakrifisius pa pekadu.

Ebreus 5:3

I pabia des ki dibi di fasi sakrifisiu pa pekadu; i ka son pa pobu, ma tambi pa si kabesa.