Neemias 10:39 - BIBLIA - traduson antigu in Krioulo

³⁹ Fijus di Israel, tudu ku levitas, e dibi di leba se ofertas di arus, biñu ku azeiti pa ki armazens nunde ku ekipamentu pa santuariu ta guardadu, nunde ku saserdotis di sirvis ku porterus ku kantaduris ta fika. Asin no ka na disa di toma konta di kasa di no Deus.

Neemias 10:39 ပူးပေါင်းရင်းမြစ်များ

2 Reis 7:10

Asin e ciga, e coma guardas di porton di prasa, e fala elis: “No baiba pa kampamentu di sirianus, no ciga la, no ka oja ningin, nin no ka obi fála; son kabalus ku burus ku staba la maradu, ku tendas disadu suma ke staba.”

2 Kronikas 31:11

Ezekias da ordi pa e purpara kuartus di armazen na kasa di SIÑOR; asin e purpara elis.

2 Kronikas 31:12

E seduba fiel pa miti la tudu ofertas ku dizimus, ku kusas dedikadu. Un levita comadu Konanias i nkargadu suma ŝef, ku si ermon Simei suma si sugundu.

Neemias 12:47

Asin, na tempu di Zorobabel ku di Neemias, tudu Israel ta daba ofertas, pa kantaduris ku porterus pudi tene kil ke pirsisa kada dia; tambi e ta da ki oferta sagradu pa levitas; levitas ta da se oferta pa fijus di Aron.

Salmus 122:9

Pabia di kasa di SIÑOR no Deus, N na buska ben di bo.

Numerus 18:26

pa i papia ku levitas, i fala elis: “Ora ku bo risibi ki dizimus di fijus di Israel ku N da bos suma yardansa, bo na pursenta dizimu di ki dizimus pa SIÑOR suma oferta.

Numerus 18:30

“Dipus di bo da ki parti mas minjor, kil ku sobra i na konsideradu suma miju ku bo masa, tambi suma uvas ku bo pirmi.

Ripitison di Lei 12:17

Ka bu kume dizimu di bu miju na bu prasas, nin dizimu di biñu nobu nin di azeiti, nin purmeru fiju di bu baka nin di karnel, nin kualker oferta ku bu fala bu na da, nin oferta spesial, nin kil ku bu na da di libri vontadi.

Ebreus 10:25

Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.