Neemias 10:37 - BIBLIA - traduson antigu in Krioulo

³⁷ Tambi, ora ku no masa purmeru miju, no na lebal pa armazens di kasa di no Deus, no na ntrega saserdotis, ku utru ofertas di biñu ku azeiti ku tudu koldadi fruta. No na leba desimu parti di prudutu di no con pa levitas, pabia i elis ku ta kuji dizimus na tudu tabankas di labur.

Neemias 10:37 ပူးပေါင်းရင်းမြစ်များ

2 Kronikas 31:6

Fijus di Israel ku Judá ku moraba na prasas di Judá e tisi tambi dizimus di bakas ku karnel, ku dizimus di utru kusas ke dedika pa SIÑOR se Deus, e pui la tok e forma montu del.

Neemias 13:10

N bin sibi tambi kuma levitas e ka na daduba se sustentu, ku manda levitas ku kantaduris disaba ja se sirvis na templu; kada kin riba pa si kau.

Neemias 13:12

Asin pobu di Judá kumsa mas tisi dizimus di garan, biñu ku azeiti pa armazens.

Neemias 13:5

i ranjal un kuartu garandi, nunde ke ta rakadaba ofertas di kumida, nsensu, tiẑelas ku utru losa, ku ofertas pa saserdotis, ku dizimus di garan suma miju, di biñu ku azeiti ku dibi di daduba pa levitas, kantaduris ku porterus.

Neemias 13:9

Dipus N manda jinti pa e purifika kuartus, pa e torna pui la ki ekipamentu di kasa di Deus ku ofertas di kumida ku nsensu.

Saida 13:12

bu na ntrega pa SIÑOR tudu purmeru fiju macu ku si mame padi. Di limarias tambi, tudu purmeru fiju macu di si mame i di SIÑOR,

Saida 13:2

“Dedika pa mi tudu purmeru fiju macu ku si mame padi, pabia tudu purmeru fiju di pobu di Israel i di mi, mesmu ki di omi o di limaria.”

Sirmonias 23:17

Di kau ku bo mora, bo ta tisi dus pon kumpudu ku kuatru litru di foriña finu, kusñadu ku fermentu, suma oferta di sana pa SIÑOR di purmeru kusas di kebur.

Malakias 3:10

Bo tisi tudu dizimus pa armazen di templu, pa kumida pudi ten na ña kasa; dipus bo ta proban, ami, SIÑOR ku ten tudu puder, pa jubi si N ka na yabri janelas di seu, pa darma riba di bos un benson garandi, tok bo ka na tene kau di pui.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Numerus 18:15

Tudu purmeru fiju di omi o di limaria ku pursentadu pa mi, i di bo. Ma bu na seta si pagamentu ku troka si i sedu purmeru fiju di omi o di limaria ku ka ta roniadu ku el.

Numerus 18:18

Se karni na sedu pa bo, suma ku ki pitu ku ta sanadu ku el i di bo, tambi perna direita.

Numerus 18:21

“N da levitas tudu dizimus di Israel pa yardansa, suma pagamentu di tarbaju ke ta fasi ora ke na sirbi na tenda di juntamentu.

Romanus 11:16

Si Deus dadu purmeru padas di pon, tudu pon i pa el. Si i dadu tambi rais, tudu ramu i di sil.

Ripitison di Lei 14:22

Kada anu bu ten ku separa un desimu parti di tudu prudutu di bu labur.

Ripitison di Lei 18:4

Bu na da elis purmeru miju ku bu kebra, ku bu purmeru biñu nobu ku azeiti, ku purmeru lan ku bu tiskia,

Ripitison di Lei 26:2

toma purmeru parti di tudu prudutu di ki con, bu pul na un sestu, bu bai pa kau ku SIÑOR bu Deus na kuji pa pui si nomi la.