Neemias 1:7 - BIBLIA - traduson antigu in Krioulo

⁷ Na bardadi no yara ciu kontra bo; no ka obdisi mandamentus nin leis nin ordis ku bu da bu servu Moisés.

Neemias 1:7 ပူးပေါင်းရင်းမြစ်များ

1 Reis 2:3

bu kumpri ordi di SIÑOR bu Deus, bu yanda na si kamiñu, bu obdisi si leis ku mandamentus ku regras suma ki sta skritu na lei di Moisés. Asin, kualker kau ku bu bai, tudu ku bu fasi na kuriu diritu.

2 Kronikas 25:4

I ka mata se fijus, ma i fasi suma ki sta skritu na lei, na libru di Moisés, nunde ku SIÑOR fala: “Papes ka na matadu pa kulpa di fijus, nin fijus ka na matadu pabia di kulpa di papes; kada kin dibi di matadu pabia di si propi pekadu.”

2 Kronikas 27:2

I ta fasiba kusas diritu dianti di SIÑOR suma ku si pape Uzias fasi, so ku el i ka yentra na kasa di SIÑOR, ma pobu kontinua na yanda mal.

Esdras 7:6

Esdras seduba pursor ku kunsiba lei diritu, ki lei ku SIÑOR Deus di Israel daba Moisés. Mon di SIÑOR si Deus staba riba del; asin rei dal tudu ki pidil. Esdras sai na Babilonia,

Salmus 106:6

No peka suma no papes; no yara, no yanda mal.

Salmus 89:31

si e kebra ña ordis, e ka obdisi ña mandamentus,

Salmus 89:32

N na kastiga se pekadu ku mantampa; N na suta elis pabia di se kulpa,

Isaias 1:4

Ai di nason ku ta fasi pekadu, pobu ku karga pekadu, rasa malvadu, fijus ku ntregadu pa kurupson; e nega SIÑOR, e papia mal kontra Deus santu di Israel, e dal kosta.

Daniel 9:11

Sin, tudu Israel kebra bu lei, e disvia, e nega obdisi bu ordi. “Pabia di kila, maldison ku sta skritu ku juramentu na lei di Moisés, servu di Deus, i darmadu riba di nos, pabia no peka kontra bo.

Daniel 9:13

Tudu ki mal bin riba di nos, suma ki sta skritu na lei di Moisés. Mesmu asin, no ka pidi fabur di SIÑOR no Deus; no ka konverti di no pekadus, nin no ka pui sintidu pa yanda na bu bardadi.

Oseias 9:9

E murguja na kurupson, suma na dias di Jibeá. Deus na lembra di se maldadi, i na kastiga se pekadus.

Sirmonias 27:34

Esis i mandamentus ku SIÑOR da Moisés na monti Sinai pa pobu di Israel.

Sofonias 3:7

N fala prasa: ‘Sertamenti bu na rispitan, bu seta disiplina.’ Asin si morada ka na danaduba; i na kapliba di kastigu ku N markaba, ma e pega tesu, e kontinua fasi kusas kuruptu.

Malakias 4:4

“Bo lembra di lei di ña servu Moisés, ki regras ku leis ku N dal na Monti Oreb pa tudu Israel.

Ripitison di Lei 4:1

O pobu di Israel, bo sukuta regras ku leis ku N na nsina bos gosi, pa bo pratika elis, pa bo pudi vivi, bo yentra pa yarda tera ku SIÑOR Deus di bo papes na da bos.

Ripitison di Lei 4:5

Ami N nsina bos regras ku leis, suma ku SIÑOR ña Deus mandan, pa bo pudi pui elis na pratika na tera ku bo na bai yarda.

Ripitison di Lei 5:1

Moisés coma tudu israelitas i fala elis: O pobu di Israel, bo sukuta leis ku regras ku N na konta bos aos. Bo pui sintidu pa sibi elis, bo obdisi elis.

Ripitison di Lei 6:1

Esis i mandamentus, regras ku leis ku SIÑOR bo Deus mandan pa N nsina bos, pa bo pudi pui elis na pratika na tera ku bo na kamba Jordon pa yarda.

Apokalipsi 19:2

pabia si julgamentu i bardadi, i justu. I julga ki minjer di fama di mau vida ku dana tera ku si pekadu seksual. Deus kastigal pa vinga sangi di si servus.”