Naun 2:11 - BIBLIA - traduson antigu in Krioulo

¹¹ Nunde ku koba di lion sta nel gosi, ku kau ke ta da kumida pa se fijus, nunde ku lion macu ku femia ta pasiaba ku se fijus, sin ningin pantanda elis?

Naun 2:11 ပူးပေါင်းရင်းမြစ်များ

Kumsada 49:9

Judá, bu sedu un fiju di lion. Bu bai montia, bu mata, bu riba, ña fiju. Suma lion i kurva, i dita; suma lion beju, kin ku na osa dispertal?

Isaias 13:7

Pabia di kila, tudu mon na torna moli; korson di tudu jinti na disanima.

Isaias 31:4

Asin ku SIÑOR falan: “Lion o fiju di lion, si i paña limaria, i ta pupa riba del. Nin si manga di bakiadur comadu pa junta kontra el, i ka ta medi nin i ka ta panta di se gritu. Asin SIÑOR ku ten tudu puder i na disi pa geria pa difindi monti di Sion.

Isaias 5:29

Tropas na somna suma lion, suma fiju di lion ku na pupa ora ki paña limaria, i na lebal pa kau nunde ku ningin ka pudi kaplintil.

Jeremias 2:15

Jinti somna suma lion, e yalsa vos kontra el. E dana si tera pa i sedu suma lala; si prasas kemadu; ningin ka mora nelis.

Jeremias 4:7

Suma lion ku sai na si koba, asin ku un danadur di nasons i sai ja; i na bin pa dana Judá. Bu prasas na pajigadu; ningin ka na mora nelis.

Jeremias 50:17

“Israel i suma koral pajigadu, ku lions serka. Purmeru ku bin kume elis i seduba rei di Asiria. Na kabantada Nabukodonosor, rei di Babilonia, i bin kebra se os.

Jeremias 50:44

“Suma ku lion ta sai na matu ficadu di Jordon, i bai kontra karnel na kau di paja bonitu, asin ku N na serka Babilonia di repenti. Kin ku N na kuji pa pui suma rei riba del? Kin ku parsi ku mi? Kin ku na disafian? Kin ki bakiadur ku pudi firma ña dianti?

Ezekiel 32:2

“Fiju di omi, miskiña pa Faraó, rei di Ejitu, bu falal: ‘Bu seduba suma lion na metadi di nasons, suma lagartu na mar. Bu ta bulbuli kurpu na rius, bu ta pui yagu pa i bulbuli ku bu pe; bu susa bu rius.

Joel 2:6

Ora ku nasons oja elis e na bin, e na tirmi; tudu rostu ta bida brankasenti.

Mikeias 5:6

E na bai ku spada, e kaba ku tera di Asiria, ku sedu tera di Ninrod, na si porton di entrada. Asin e na libranu di Asiria, ora ki bin pa no tera, i masa no fronteras.

Naun 2:12

Lion mata kil ku justa pa si fijus ku si minjer, i inci karni na si koba.

Naun 3:1

Ai di prasa di sangi! I inci mintida, i inci kusas ku robadu! Nunka i ka ta lunjusi di furtu!

Sofonias 3:3

Si ŝefis sedu suma lions ku na somna; si juisis e sedu suma lubus di tardi, ku ka ta sobra nin un os pa utru dia.

Numerus 23:24

Ki pobu na lanta suma lion femia; e na mostra se brabesa suma lion ku ka ta diskansa tok i kume kil ki paña, i bibi sangi di kilis ki mata.”