Naun 1:7 - BIBLIA - traduson antigu in Krioulo

⁷ SIÑOR i bon; i kau forti na dia di foronta, i kunsi kilis ku fiansa nel.

Naun 1:7 ပူးပေါင်းရင်းမြစ်များ

1 Kronikas 16:34

Bo ngaba SIÑOR pabia el i bon; si bondadi i pa sempri.

1 Kronikas 5:20

E coma Deus na gera, e fiansa nel; Deus obi elis, i juda elis pa e ngaña vitoria riba di agarenus ku tudu ki jinti ku juntaba ku elis.

2 Kronikas 13:18

Asin, fijus di Israel baŝadu na ki tempu; fijus di Judá ngaña elis, pabia e fiansa na SIÑOR, Deus di se papes.

2 Kronikas 32:11

Ezekias na ngana bos, pa bo muri di fomi ku sedi, manera ki fala bos: ‘SIÑOR no Deus na libranu na mon di rei di Asiria.’

2 Kronikas 32:21

SIÑOR manda anju ku mata tudu omis di gera ku kapitons ku ŝefis na kampamentu di rei di Asiria. Rei riba incidu di borgoña pa si tera. Oca ki yentra na baloba di si deus, si propi fijus ki padi e matal la ku spada.

2 Kronikas 32:8

I forsa di omi ku sta ku el, ma SIÑOR no Deus, el ku sta ku nos, pa judanu, pa geria pa nos.” Asin pobu diskansa na palabra di Ezekias, rei di Judá.

Esdras 3:11

E kanta, e kudi ŋutru, e ngaba SIÑOR, e kanta kantiga ku fala: “SIÑOR i bon; si bondadi pa Israel i pa sempri.” Tudu jinti grita risu ku kontentamentu, e ngaba SIÑOR, pabia alisersu di si kasa pudu ja,

Salmus 1:6

SIÑOR na guarda justus na se kamiñu, ma jinti mau sta na kamiñu pa pirdi.

Salmus 100:5

pabia SIÑOR i bon; si amor ka ta kaba. El i fiel pa kada manjuandadi, pa tudu sempri.

Salmus 20:1

SIÑOR pa i kudiu na dia di foronta; nomi di Deus di Jakó pa i guardau suguru.

Salmus 25:8

SIÑOR i bon, i justu; pabia di kila, i ta nsina pekaduris si kamiñu.

Salmus 27:5

Na dia di foronta i ta guardan suguru, sukundidu bas di kurtina di tenda di si morada, i na pun riba di un roca.

Salmus 37:39

Salbason di justus ta bin di SIÑOR; el i se kau forti na tempu di foronta.

Salmus 37:40

SIÑOR ta juda elis, i libra elis; i na kaplinti elis di jinti mau, i salba elis, pabia e fiansa nel.

Salmus 46:2

Asin, no ka na medi, nin si con bulbuli; nin si montis kai na metadi di mar;

Salmus 50:15

Coman na dia di foronta; N na librau; bu na glorifikan.”

Salmus 59:16

Ma ami, N na kanta aserka di bu forsa; parmaña N na kanta ku kontentamentu aserka di bu bondadi, pabia bu seduba ña kau altu nunde ku N fikaba suguru na dia di foronta.

Salmus 71:3

Ba ta sedu ña roca suguru nunde ku N pudi bai sempri. Da ordi pa N sedu salbu, pabia abo i ña roca, ña kau forti.

Salmus 86:7

Na dia di ña foronta N na comau, pabia bu ta kudin.

Salmus 9:10

Kilis ku kunsi bu nomi e na fiansa na bo, pabia abo, SIÑOR, nunka bu ka bandona kilis ku buskau.

Salmus 91:15

I na coman, N na kudil. N na sta ku el na foronta, N na libral, N dal rispitu dianti di jinti.

Ditus 18:10

Nomi di SIÑOR i suma tori forti; algin justu ta kuri pa el, i fika suguru.

Isaias 25:4

Bu sedu kau forti pa koitadi na si foronta, kau di suguransa pa kil ku ten falta. Bu sedu kau di sukundi di turbada, sombra na ora di kalur, pabia folgu di jinti ku ta kalka utrus i suma turbada ku na suta mura,

Isaias 32:2

Un omi na sedu abrigu kontra bentu, ku kau di sukundi kontra turbada; i na sedu suma riusiñus di yagu na kau seku, suma sombra di pedra garandi na tera ku ka tene yagu.

Isaias 50:10

Kin na bo metadi ku ta rispita SIÑOR, i ta obdisi si servu? Ora ki na yanda na sukuru, i ka ten nin un bokadiñu di klaridadi, pa i fiansa na nomi di SIÑOR, i nkuña tesu na si Deus.

Jeremias 16:19

O SIÑOR, ña forsa, ña difesa, ña kau di sukundi na dia di foronta, nasons na bin pa bo di utru ladus di mundu, e na fala: “No papes yardaba son mintida, idulus ku ka bali, ku ka ten purbitu.

Jeremias 17:17

Ka bu sedu spantu pa mi; abo ki ña kau di sukundi na dia di mal.

Jeremias 24:5

“Ami, SIÑOR, Deus di Israel, N fala kuma ki jinti ku lebadu pa katiberasku, ku N manda di li pa tera di Babilonia, elis e sedu bon suma ki bon figus.

Jeremias 33:11

baruju di kontentamentu ku alegria, ku vos di noivu ku noiva, ku kantiga di jinti ku na kanta pa bai leba ofertas di gardisimentu pa kasa di SIÑOR, ku na fala: ‘Bo ngaba SIÑOR ku ten tudu puder, pabia el i bon; si bondadi i pa sempri.’ N na fasi e tera riku suma ki seduba na kumsada. I ami, SIÑOR, ku fala.”

Miskiñu di Jeremias 3:25

SIÑOR i bon pa kilis ku spera nel, pa ki algin ku na buskal.

Daniel 3:28

Nabukodonosor fala: “I bon pa no ngaba Deus di Sadrak, Mesak ku Abednegu, ku manda si anju, i libra si servus ku fiansaba nel. E nega obdisi ordi di rei; e mas misti ntrega se kurpu te pa e sirbi o e adora utru deus ku ka sedu se Deus.

Daniel 6:23

Rei fika kontenti dimas, i manda tira Daniel na koba. Asin Daniel tiradu na koba; nin un molostu ka ojadu na si kurpu, pabia i fiansa na si Deus.

Joel 3:16

SIÑOR na papia risu na Sion, i na yalsa vos forti na Jerusalen; seu ku tera na tirmi, ma SIÑOR na sedu kau suguru pa si pobu, kau forti pa fijus di Israel.

Sofonias 3:12

N na disa na bo kilis ki umildi i koitadi, ku fiansa na nomi di SIÑOR.

Mateus 27:43

I fiansa na Deus; pa kila libral gosi, si i ten amor pa el, pabia i fala kuma el i Fiju di Deus.”

Mateus 7:23

Na ki ora N na fala elis klaru: ‘Nunka N ka kunsi bos. Bo lunjusi di mi, abos ku ta fasi mal.’

Bon Noba di Jesus Kristu ku Jon 10:14

Ami i bon bakiadur. Suma ku ña Pape kunsin, ami tambi N kunsi ña Pape. Asin ku N kunsi ña karnel, elis e kunsin; N sta pruntu pa muri pa elis.

Bon Noba di Jesus Kristu ku Jon 10:27

Ña karnel ta obi ña vos; ami N kunsi elis; e ta sigin.

Romanus 11:22

Pensa na manera ku Deus i bon, ma tambi i risu. Pa kilis ku kai i ta risu ku elis, ma pa bo i ta bon, si bu kontinua na si bondadi. Si i ka asin, tambi bu na kortadu.

Gálatas 4:9

Gosi ku bo kunsi Deus, o N dibi di fala, ku Deus kunsi bos, kuma ku bo pudi riba mas pa ki leis fraku i pobri? Pabia di ke ku bo misti sedu se katibu utru bias?

2 Timótiu 2:19

Deus pui un alisersu firmi ku ka pudi bulbulidu; riba del i skirbidu e palabra: “Siñor kunsi kil ki di sil.” Tambi i fala: “Kil ku ta coma nomi di Siñor dibi di lunjusi di fasi mal.”