Naun 1:4 - BIBLIA - traduson antigu in Krioulo

⁴ I ta raprindi mar, i fasil pa i seku; i ta mingua yagu di rius. Paja di tera di Basan ku di monti Karmelu ku flor di Líbanu na lati.

Naun 1:4 ပူးပေါင်းရင်းမြစ်များ

Kumsada 8:1

Deus lembra di Noe ku tudu limarias ku staba ku el na barku. I fasi bentu pasa riba di tera; yagu kumsa na baŝa.

2 Samuel 22:16

Oca SIÑOR raprindi, folgu forti rebenta na si naris; fundura di mar ojadu; alisersu di mundu diskubridu.

Jo 38:11

N falal: ‘Te li ku bu na ba ta bin; bu ka na pasa mas dianti; li ku forsa di bu maron na para.’

Salmus 104:7

Bu da ordi; yagu kuri; i rinka kuri oca ki obi vos di bu turbada,

Salmus 106:9

I da ordi pa Mar Burmeju; kila seku. I pui elis pasa na metadi di mar suma e staba na con seku.

Salmus 114:3

Mar oja kila, i kuri; riu Jordon riba tras.

Salmus 114:5

O mar, ke ku ten ku pou bu na kuri? O Jordon, ke ku manda bu riba tras?

Salmus 18:16

Deus, na si kau altu, i distindi si mon, i pegan, i tiran na yagu fundu.

Salmus 74:15

Bu yabri fontis ku riusiñus, bu sekusi rius ku ta kuriba ku forsa.

Isaias 33:9

Tera na jimi, i cora. Líbanu burguñu; si matu bida seku. Saron bida suma lala. Na Basan ku Karmelu, fojas konkoñi tudu.

Isaias 42:15

Montis ku montisiñus, N na bidanta elis lala, N na pui se paja pa i seku. N na bidanta rius jius, N na sekusi laguas.

Isaias 44:27

I ami ku ta fala yagu fundu: ‘Bu na seku; N na sekusi bu rius tambi.’

Isaias 51:10

I ka abo ku sekusi ki yagu di mar fundu, ku pui kamiñu na fundu di mar pa jinti ku libertadu pudi pasa?

Ezekiel 30:12

N na sekusi rius, N na bindi se tera, N na ntregal na mon di jinti mau. N na pui stranjerus pa e dana tera ku tudu ku sta nel. Asin ku ami, SIÑOR, N fala.”

Ezekiel 38:20

Pis na mar, ku kacus ku ta bua, ku limarias di matu ku kilis ku ta rasta na con, ku tudu omis na mundu, e na tirmi ña dianti. Montis na kai, riadas lungu di mar na mui; tudu muras na kai na con.

Amos 1:2

Amos fala: “SIÑOR na papia risu na Sion, na Jerusalen i na papia suma turbada. Cur ten na kau di bakiaduris; riba di monti Karmelu paja seku.”

Amos 5:8

Bo buska kil ku kumpu Seti-strela ku Orion, kil ku ta bidanta sombra di noti pa i sedu parmaña; i pui di dia pa i bida sukuru, suma di noti. I ta coma yagu di mar, i darmal riba di tera. SIÑOR i si nomi.

Mateus 8:26

Jesus punta elis: “Pabia di ke ku bo sta ku medu, omis di puku fe?” Dipus i lanta, i raprindi bentu ku maron; logu tudu keta yem.

Josué 3:16

ki yagu ku na bin di riba i para kuri, i forma un garandi monton la lunju, pertu di prasa di Adan, ku sta na ladu di Zaretan. Ki yagu ku na kuri pa Mar di Arabá, ku sedu Mar Salgadu, i kortadu. Asin pobu kamba dianti di Jerikó.