Naun 1:14 - BIBLIA - traduson antigu in Krioulo

¹⁴ Ninive, SIÑOR da ordi kontra bo, kuma bu ka na tene jorson ku na kontinua bu nomi. Na baloba di bu deus N na kaba ku imaẑens labradu ku idulus fundidu. N na purpara bu kau di nteru, pabia bu mau.

Naun 1:14 ပူးပေါင်းရင်းမြစ်များ

2 Reis 19:37

Un dia, oca ki na mpina na kasa di si deus Nisrok, si fijus Adramelek ku Sarezer matal ku spada, e kapli pa tera di Arará. Si fiju Esar-Adon rena na si konta.

2 Kronikas 32:21

SIÑOR manda anju ku mata tudu omis di gera ku kapitons ku ŝefis na kampamentu di rei di Asiria. Rei riba incidu di borgoña pa si tera. Oca ki yentra na baloba di si deus, si propi fijus ki padi e matal la ku spada.

Jo 18:17

Si lembransa na pirdi na mundu; i ka na tene nomi na prasas.

Salmus 109:13

Pa si jorson kortadu, pa i diskisidu na tempu di si fijus.

Salmus 71:3

Ba ta sedu ña roca suguru nunde ku N pudi bai sempri. Da ordi pa N sedu salbu, pabia abo i ña roca, ña kau forti.

Saida 12:12

“‘Na ki mesmu noti N na pasa na tera di Ejitu, N na mata tudu purmeru fijus di Ejitu, di omis ku di limarias; N na julga tudu deusis di Ejitu. Ami i SIÑOR.

Ditus 10:7

Lembransa di bon jinti na bensuadu, ma nomi di jinti mau na podri.

Isaias 19:1

Es i rekadu di Deus aserka di Ejitu. Jubi, SIÑOR na bin dipresa, montadu riba di nuven; i na bin pa Ejitu. Idulus di Ejitu na tirmi si dianti; koraẑen di ejipsius na ribi dentru delis.

Isaias 33:13

Abos ku sta lunju, bo obi ke ku N fasi; abos ku sta pertu, bo rikuñisi ña puder.”

Jeremias 50:2

“Bo anunsia na metadi di nasons pa e obi! Bo yalsa bandera, bo anunsia; ka bo sukundi. Bo fala: ‘Babilonia tomadu! Si deus Bel sta na kunfuson. Ki utru deus Merodak sta tarpajadu; si idulus kubridu ku borgoña; si deusis kai!’

Daniel 11:21

“Kil ku na toma si lugar i na sedu omi ku ka bali, ku ka ten diritu di sedu rei. I na bin ketu na tempu ku jinti ka spera, i na toma renu ku nganu.

Daniel 5:27

TEKEL: — Bu pesadu na balansu, ma bu da falta.

Sirmonias 26:30

N na dana bo altaris na montis, N na kaba ku bo altaris di nsensu, N na bota bo difuntus riba di kurpus di bo idulus ku ka tene vida; N na nfastia bos.

Mikeias 5:13

N na rinka na bu tera imaẑens labradu ku bu kulunas sagradu; nunka mas bu ka na mpina dianti di tarbaju di bu mon.

Mikeias 5:14

N na rinka bu idulus di Aserá, N na kaba ku bu prasas.

Abakuk 2:10

Manera ku bu kaba ku manga di nason, bu tisi borgoña riba di bu kasa, bu pui bu propi vida na pirigu.

1 Samuel 3:13

N kontal ja kuma N na julga si familia pa sempri pabia di pekadu ki sibiba del. Si fijus na fasi puku di Deus; i ka tuji elis.