Miskiñu di Jeremias 4:9 - BIBLIA - traduson antigu in Krioulo

⁹ Kilis ku matadu ku spada e mas ten sorti di ki kilis ku muri di fomi, pabia se kurpu na magru kada bias mas; falta di kumida na pui elis pa e muri.

Miskiñu di Jeremias 4:9 ပူးပေါင်းရင်းမြစ်များ

2 Reis 25:3

Na dia 9 di kuartu mis, oca ku fomi toma konta di prasa, kumida ka tenba pa pobu,

Saida 16:3

e fala elis: “I ta seduba bon si SIÑOR matanu na Ejitu, nunde ku no ta sintaba pertu di panela di karni, no ta kumeba pon tok no ta farta. Ma bo tiranu la, bo tisinu pa e lala, pa matanu ku fomi, anos tudu!”

Isaias 22:2

Prasa turmentadu, ku baruju ku parodia! Bu mortus ka matadu ku spada nin e ka muri na gera.

Jeremias 16:4

E na muri di duensa mau; jinti ka na cora elis, nin e ka na nteradu, ma e na sedu suma strumu na con. Spada ku fomi na kaba ku elis; se difuntus na sedu kumida pa kacus ku limarias di matu.

Ezekiel 24:23

Bo na guarda bo kabesa kubridu, ku sapatus na pe. Bo ka na miskiña pa algin ku muri, nin bo ka na cora. Bo kurpus na kaba pabia di bo pekadus; bo na jimi entri bos.

Ezekiel 33:10

“Fiju di omi, papia ku pobu di Israel, bu lembranta elis de kusa ke ta fala: ‘No maldadis ku no pekadus na pasa riba di nos tok no magru. Kuma ku no na tene vida?’

Ezekiel 4:16

Dipus i falan: “Fiju di omi, N na korta sustentu di pon na Jerusalen. E na pesa pon ke na kume, ku kudadi, e na midi yagu ke na bibi, ku medu,

Ezekiel 7:15

“Spada sta la fora; dentru i ten fomi ku duensa. Kil ku sta na matu i na muri ku spada; kil ku sta na prasa, fomi ku duensa na kaba ku el.

Sirmonias 26:39

Kilis di bos ku sobra, se forsa na kaba puku puku, na tera di se inimigus, pabia di se pekadus. Tambi pabia di pekadus di se papes e na pirdi forsa.

Ripitison di Lei 28:51

E na kume bu limarias, ku prudutu di bu con, tok fomi kaba ku bo. E ka na disau miju, biñu, azeiti, fijus di bu bakas nin di bu karnel, tok e kaba ku bo.