Mikeias 7:2 - BIBLIA - traduson antigu in Krioulo

² Tudu jinti bon pirdi na tera; i ka ten nin un omi retu. Elis tudu e na sukundi pa darma sangi; kada un na montia si ermon ku ridia.

Mikeias 7:2 ပူးပေါင်းရင်းမြစ်များ

Salmus 10:9

I ta monta si mboskada, suma lion na si koba; i ta sukundi pa paña koitadi; si i pañal, i ta rastal na si ridia.

Salmus 12:1

Judanu, SIÑOR, pabia jinti bon ka ten ja; kilis ki fiel e pirdi na metadi di jinti.

Salmus 12:2

Kada kin na fala mintida pa si kumpañer; e na papia palabras bonitu ku korson finjidu.

Salmus 57:6

E distindi ridia pa ña pe; N fika muitu batidu; e yabri koba na kamiñu ku N na baiba, ma i elis propi ku bin kai nel. Sela

Ditus 1:11

E pudi falau: “Bin ku nos, no buska algin pa mata; no monta mboskada pa un algin ku ka fasinu mal!

Ditus 12:6

Palabras di jinti mau i mboskada pa darma sangi, ma palabras di justus e ta libra jinti.

Isaias 3:5

Kada kin na kalka si kumpañer; mininus na lanta kontra garandis; kilis ku ka sedu nada e na lanta kontra jinti di rispitu.

Isaias 57:1

Justu na pirdi, ma i ka ten ningin ku na mporta. Omis di korson moli e tiradu vida, sin algin ntindi kuma justus ta lebadu pa kapli di mal ku na bin.

Isaias 59:7

Se pe ta kuri pa mal; e ta janti pa darma sangi di algin ku ka ten kulpa. Na se kabesa e tene son pensamentus di pekadu; na se kamiñu, i son batimentu ku danu.

Isaias 9:19

Pabia di raiba di SIÑOR ku ten tudu puder, con na tene sinal di fugu; fugu na kaba ku pobu. Ningin ka na purda si ermon.

Jeremias 16:16

SIÑOR fala: “Gosi N na manda manga di piskadur ku na bin piska elis. Dipus N na manda manga di montiadur ku na bin montia elis riba di montis pikininu ku garandi, te na kobas di pedras.

Jeremias 5:16

Mortu sta na se saku di fleŝas; elis tudu e sedu omis forti.

Jeremias 5:26

“Na metadi di ña pobu i ten omis mau; kada un na yanda, i na montia, suma ku omi ta montia kacus; i ta pui armadilia pa paña omis.

Jeremias 8:6

N sukuta elis diritu, ma e ka ta konta bardadi. I ka ten ningin ku na ripindi di si maldadi, i fala: “N fasi mal.” Kada kin na kuri pa si kamiñu suma kabalu ku na kuri ku forsa pa gera.

Miskiñu di Jeremias 4:18

Jinti na montianuba tok no ka pudi yanda na ruas. No dias staba kuas pa kaba, pabia no fin cigaba ja.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Ezekiel 24:6

“Asin ku SIÑOR Deus fala: Ai di prasa di matansa! I sta suma kasarola ku inci ferús, ferús ku ka tiradu nel. Tira karni nel, padas padas, sin juga sorti pa el,

Oseias 5:1

“Abos saserdotis, bo sukuta; pobu di Israel, bo para atenson! Familia di rei, bo obi! E julgamentu i kontra bos; bo seduba armadilia pa Mizpá, tambi bo seduba ridia distindidu riba di Tabor.

Oseias 6:9

Kompañia di saserdotis ku ta mata na kamiñu di Siken e sedu suma grupu di bandidus ku monta mboskada pa un omi; asin ke ta pratika kusas nujenti.

Mikeias 2:8

Omis ku riba di gera e ta sinti suguru, ma, ne dias, ña pobu lanta suma inimigu pa furta kapa di kilis ku na pasa.

Mikeias 3:10

Bo na kumpu Sion ku sangi, Jerusalen ku maldadi.

Mikeias 3:2

Ma bo ta odia kil ki bon, bo gosta di mal. Bo tira elis peli ku karni riba di se os.

Zakarias 11:6

SIÑOR fala: “Sin duvida N ka na ten mas pena di moraduris de tera, ma N na ntrega kada un na mon di si kumpañer ku si rei. E na kastiga jinti na tera; ami N ka na libra elis na se mon.”

Atus 24:9

Judeus tambi e konkorda ku akusason, e fala kuma tudu i bardadi.

1 Samuel 24:11

Ña pape, jubi, bu oja e padas di bu kapa na ña mon. N kortau ponta di bu kapa, ma N ka matau. Bu pudi ntindi, bu oja kuma N ka na fasiu mal, nin N ka na rebela kontra bo. N ka fasi mal kontra bo, ma bu na montia ña vida pa tiran el.

1 Samuel 26:20

Ka bu disa pa ña sangi darmadu na tera strañu, lunju di pursensa di SIÑOR. Rei di Israel sai pa buska un pulga, suma kil ku na serka coka na montis.”