Mikeias 7:1 - BIBLIA - traduson antigu in Krioulo

¹ Ai di mi! N sedu suma algin ku misti kuji fruta kusidu, oca ku jinti kuji ja uvas. I ka ten nin un kacu di uvas pa kume, nin ki figu nobu ku N na faima pa el.

Mikeias 7:1 ပူးပေါင်းရင်းမြစ်များ

Salmus 120:5

Koitadi di mi, pabia N sedu ospri na Mesek, N mora na tendas di Kedar.

Ditus 20:6

Kada kin na papia aserka di si bondadi, ma omi fiel, kin ku pudi ojal?

Isaias 17:6

ma i na sobra un bokadu, suma ora ku algin sakudi olivera pa azeitonas konkoñi; dus o tris pudi fika na ponta di ramus mas altu, ku kuatru o sinku na ramus mas bas.” I SIÑOR Deus di Israel ku fala.

Isaias 24:13

Na mundu, na metadi di nasons, i na sedu suma ora ku olivera i sakudidu, o suma restu ora ku uvas kujidu na se pe.

Isaias 24:16

Di lugar mas lunju di mundu no obi jinti ku na kanta: “Gloria pa Deus justu!” Ma ami N fala: “Kurpu na kaba ku mi! Koitadi di mi! Kurpu na kaba ku mi! Falsiaduris na falsia; sin, falsiaduris e mas na falsia!”

Isaias 28:4

Gloria di ki ŝefis orgulyosu na disparsi suma flor; i na sedu suma figu ku kusidu purmeru, antis di kebur; si algin ojal, i ta toma, i nguli.

Isaias 6:5

N fala: “Ai di mi! N sta pirdidu, pabia N sedu omi di boka susu, N mora na metadi di jinti di boka susu, ma ña uju oja Rei, SIÑOR ku ten tudu puder!”

Jeremias 15:10

Ai di mi, ña mame! Ke ku manda bu padi un omi ku tudu jinti di tera ta jusia ku el? Nunka N ka pista ningin ku juru, nin N ka dibi ningin, ma kada un delis na maldisuan.

Jeremias 24:2

Un sestu teneba bon figus di ki koldadi ku ta kusidu sedu; ki utru sestu teneba figus ku ka bali, ma ku ka bali nan propi pa kume.

Jeremias 4:31

N obi gritu, suma di minjer ku sta di partu; N obi jimidu, suma di kin ku na padi si purmeru fiju. I seduba vos di prasa di Sion ku ka pudiba da folgu diritu, ku distindi si mon, i fala: “O! Ai di mi gosi! N na dismaja dianti di mataduris!”

Jeremias 45:3

‘Bu fala: “Ai di mi! SIÑOR buri tristesa riba di ña dur. N sta kansadu di jimi; N ka oja nin diskansu.”

Jeremias 5:1

“Bo yanda-yanda na ruas di Jerusalen, bo jubi, bo buska sibi; bo buska na kaus di nkontru na prasa, si bo ta oja, nin si i un algin, ku na fasi ben, i na buska bardadi. Si bo pudi, ami N na purda Jerusalen.

Oseias 9:10

Deus fala: “Purmeru dia ku N oja Israel, i suma ora ku algin oja uvas na lala; N oja bo papes, N kontenti ku elis, suma ora ku algin oja purmeru figu kusidu, ma e bai pa Baal-Peor, e dedika pa ki kusa di borgoña; e bida nujenti suma ki kusa ke ama.

Numerus 18:13

Purmeru frutu di tudu ku ojadu na tera ku jinti tisi pa mi i na sedu di bo. Tudu algin na bu kasa ku sta puru i pudi kumel.