Mikeias 6:4 - BIBLIA - traduson antigu in Krioulo

⁴ N tisiu di tera di Ejitu, N librau di katiberasku, N manda Moisés, Aron ku Mirian pa e gia bos.

Mikeias 6:4 ပူးပေါင်းရင်းမြစ်များ

2 Samuel 7:23

Kin ku sedu suma bu pobu, Israel, ki un pobu son ku Deus bai liberta pa e sedu si pobu? Ki kusas garandi, meduñu, ku bu fasi pa elis, e pui pa bu nomi kunsidu na tudu mundu. Bu tira fora utru nasons ku se deusis pa da se tera pa bu pobu ku bu liberta di Ejitu.

Salmus 77:20

Bu gia bu pobu, suma karnel, pa mon di Moisés ku Aron.

Saida 12:51

Na ki mesmu dia SIÑOR tira tudu jorsons di fijus di Israel di Ejitu.

Saida 20:2

“Ami i SIÑOR bu Deus ku tirau di Ejitu, ki kau di katiberasku.

Saida 3:10

Bin pa N mandau pa Faraó pa bu tira ña pobu Israel di Ejitu.”

Saida 4:10

Moisés fala SIÑOR: “O SIÑOR! Ami nunka na ña vida N ka sedu omi ku sibi papia, nin antis nin dipus di bu kumsa papia ku mi, bu servu, pabia N pisadu na papia.”

Saida 4:16

El i na papia ku pobu pa bo, i na sedu bu boka; abo bu na sedu suma Deus pa el.

Saida 6:27

I elis, i ki mesmu Moisés ku Aron, ku papia ku Faraó, rei di Ejitu, pa i tira fijus di Israel na Ejitu.

Jeremias 32:21

Bu distindi mon, bu tira bu pobu Israel di tera di Ejitu, ku sinal, ku milagris, ku mon forti, tok jinti panta.

Amos 2:10

Tambi N tira bos di Ejitu, N gia bos korenta anu na lala, pa bo pudi toma tera di amoreus.

Numerus 12:1

Mirian ku Aron papia kontra Moisés pabia di si minjer di Kus ki kasaba ku el.

Numerus 33:1

Es i relatoriu di bias ku fijus di Israel fasi, oca Moisés ku Aron tira elis di Ejitu, konformi se jorsons.

Atus 7:36

I e Moisés ku tira pobu fora, ku fasi milagris ku sinal na tera di Ejitu, na Mar Burmeju, tambi na lala, pa korenta anu.

Ripitison di Lei 15:15

Lembra kuma bu seduba katibu na tera di Ejitu, ma SIÑOR bu Deus libertau di la. E ku manda N na dau e ordi aos.

Ripitison di Lei 24:18

Lembra di kuma bu seduba katibu na Ejitu, ma SIÑOR kaplintiu di la. E ku manda N na dau ordi pa bu fasi asin.

Ripitison di Lei 4:20

Abos i pobu ku Deus toma, i tira di furnu kinti di Ejitu, pa bo sedu pobu di si yardansa propi, suma ku bo sedu aos.

Ripitison di Lei 4:34

O i ten un Deus ku bai toma un pobu na metadi di utru nason pa i sedu di sil, suma ku SIÑOR bo Deus fasi pa bos na Ejitu? Dianti di bo uju i distindi si mon forti, i manda praga ku gera, i fasi garandi milagris ku kusas meduñu.

Ripitison di Lei 5:6

“Ami i SIÑOR bu Deus ku tirau di katiberasku na tera di Ejitu.

Ripitison di Lei 7:8

SIÑOR tenba amor pa bos, tambi i mistiba kumpri ki purmesa ki fasiba bo papes ku juramentu; e ku manda i tira bos ku mon forti, i kaplinti bos di tera di katiberasku, di mon di Faraó, rei di Ejitu.

Ripitison di Lei 9:26

N ora SIÑOR, N falal: “SIÑOR Deus, ka bu kaba ku bu pobu ku sedu bu yardansa, ku bu kaplinti ku bu garandi puder, bu tira di Ejitu ku bu mon forti.

1 Samuel 12:6

Samuel fala pobu: “SIÑOR propi ku kuji Moisés ku Aron, i tira bo papes na tera di Ejitu.