Mikeias 5:9 - BIBLIA - traduson antigu in Krioulo

⁹ Bu mon na yalsadu riba di kilis ku sta kontra bo; tudu bu inimigus na kabadu ku el.

Mikeias 5:9 ပူးပေါင်းရင်းမြစ်များ

Salmus 10:12

SIÑOR, lanta! O Deus, yalsa bu mon; ka bu diskisi di koitadis.

Salmus 106:26

Asin i yalsa si mon kontra elis, i jurmenta kuma i na pui elis pa e kai na lala,

Salmus 21:8

Bu mon na yangasa tudu bu inimigus; bu mon direita na paña kilis ku ka gosta di bo.

Isaias 1:25

N na toma midida kontra bo, N na purifikau, suma algin ta purifika prata; N na tirau tudu susidadi ku sta na bo.

Isaias 11:14

ma elis juntu e na ataka filisteus na kaida di sol suma falkon; e na ngaña, e na roba rikesa di jinti di saida di sol, ku sedu Edon ku Moab; fijus di Amon na fika bas delis.

Isaias 26:11

SIÑOR, bu yalsa ja bu mon pa kastiga, ma e ka nota pa el. Pui elis pa e oja manera ku bu ama bu pobu; pa e fika ku borgoña. Ki fugu ku bu purpara, pa i kaba ku elis.

Isaias 33:10

SIÑOR fala: “N na lanta gosi, ami propi N na lanta gosi; gosi N na ngarandisidu.

Isaias 37:36

Anju di SIÑOR sai pa kampamentu di asirius, i mata sentu i oitenta i sinku mil delis. Oca ku jinti lanta parmaña, e oja son kadaveris ku dita la.

Aẑeu 2:22

N na bati tronu di renus, N dana forsa di renus di nasons; N na kaba ku karus ku kilis ku ta sinta nelis; kabalus ku kilis ku ta monta nelis e na kai, kada un pa spada di si ermon.

Zakarias 9:10

N na kaba ku karus di Israel ku kabalus di Jerusalen; mansasa di gera na danadu. Bu rei na anunsia pas pa nasons; si renu na bai di un mar pa utru mar, desdi riu Eufrates te na utru ladu di mundu.

Lukas 19:27

Kil ña inimigus tambi ku ka mistiba pa N sedu se rei, bo tisi elis li, bo mata elis ña dianti.’ ”

1 Koríntius 15:25

Kristu ten ku rena te ora ku Deus pui tudu inimigus bas di si pe.