Mikeias 5:6 - BIBLIA - traduson antigu in Krioulo

⁶ E na bai ku spada, e kaba ku tera di Asiria, ku sedu tera di Ninrod, na si porton di entrada. Asin e na libranu di Asiria, ora ki bin pa no tera, i masa no fronteras.

Mikeias 5:6 ပူးပေါင်းရင်းမြစ်များ

2 Reis 15:29

Na tempu di Peka, rei di Israel, Tiglat-Pileser, rei di Asiria, bin, i toma Ijon, Abel-Bet-Maaka, Janoa, Kedes, Azor, Jilead, Galileia ku tudu tera di Naftali; i leba jinti di ki lugaris pa Asiria.

1 Kronikas 1:10

Kus padi Ninrod, ku kumsa na sedu algin di puder na tera.

2 Kronikas 33:11

Pabia di kila, SIÑOR manda ŝefis di tropa di rei di Asiria kontra elis; e prindi Manasés, e pui ansol na si naris, e maral ku korenti di kobri, e lebal pa Babilonia.

Jo 29:22

Si N kaba papia, e ka ta fala mas nada. Ña palabra ta yentra elis sabi na oreja.

Salmus 110:3

Bu tropas na pursenta di bon vontadi na dia ku bu bai gera. Suma serenu di mandrugada bu jovens na bin pa bo, fajadu ku puder sagradu.

Salmus 72:6

Rei na sedu suma cuba ku na kai na lugar ku kebradu ja, suma cuba ku ta bin i bai, i regua con.

Isaias 14:2

Nasons na juda elis pa e riba na se lugar; pobu di Israel na tene elis suma servus macu ku femia na tera di SIÑOR. E na pui katibu kilis ku teneba elis suma katibu, e na manda riba di kilis ku na kalkaba elis.

Isaias 14:25

N na kebranta Asiria na ña tera, N na masal na ña montañas, pa si kanga sai riba di ña pobu, pa si kargu tiradu na se ombras.”

Isaias 33:1

Koitadi di bo, abo danadur ku ka danadu inda, abo ku ta falsia, ma bu ka falsiadu inda! Ora ku bu kaba dana, bu na danadu; ora ku bu kaba falsia, jinti na falsiau.

Isaias 37:36

Anju di SIÑOR sai pa kampamentu di asirius, i mata sentu i oitenta i sinku mil delis. Oca ku jinti lanta parmaña, e oja son kadaveris ku dita la.

Isaias 37:37

Asin Senakerib, rei di Asiria, rakua, i riba, i bai fika na Ninive.

Isaias 6:13

Un na kada des pudi fika, ma con na torna sedu kau di bakia. Si karvaju o utru po garandi kortadu, i ta fika si pe. Asin simentera sagradu na sedu suma pe ku fika.”

Jeremias 14:22

Nta kualker deus falsu di nasons pudi da cuba? O seu propi ku si forsa i pudi manda cuba? SIÑOR no Deus, i ka abo son ku ta fasi es? Asin no speransa sta na bo, pabia i abo ku ta fasi tudu e kusas.

Naun 2:11

Nunde ku koba di lion sta nel gosi, ku kau ke ta da kumida pa se fijus, nunde ku lion macu ku femia ta pasiaba ku se fijus, sin ningin pantanda elis?

Sofonias 2:13

I na distindi si mon kontra ladu di norti, i na kaba ku Asiria; i na disa Ninive, se prasa garandi, sin ningin; con na seku suma lala.

Sofonias 3:12

N na disa na bo kilis ki umildi i koitadi, ku fiansa na nomi di SIÑOR.

Lukas 1:71

kuma, i ta libranu di no inimigus, ku mon di kilis ku odianu;

Lukas 1:74

I jurmenta kuma i ta libertanu di mon di no inimigus, pa no pudi sirbil sin medu,

Lukas 24:27

Dipus i kumsa na libru di Moisés, i pasa na tudu anunsiaduris, i splika elis kil ku Skritura fala del.

Ripitison di Lei 32:2

Ña nsinamentu pa i kai suma cuba; ña palabra pa i ria suma serenu, suma cuba ku na yeriyeri riba di paja nobu, o suma ora ki na regua plantas.