Mikeias 5:1 - BIBLIA - traduson antigu in Krioulo

¹ Prasa di Jerusalen, junta bu tropas, pabia e tajanu; e na bin suta ŝef di Israel na kara ku manduku.

Mikeias 5:1 ပူးပေါင်းရင်းမြစ်များ

Kumsada 35:19

Asin Rakel muri, i nteradu na kamiñu di Efrata, ku sedu Belen.

Kumsada 49:10

Bingala di rei ka na sai na Judá, nin i ka na falta algin na si jorson ku na rena, te ora ku Siló bin, ku tudu nasons na obdisi.

1 Reis 22:24

Zedekias, fiju di Kenaaná, i ciga lungu di Mikaias, i dal bofotada, i puntal: “Kal kamiñu ku Spiritu di SIÑOR bai nel oca ki sai na mi pa bai papia ku bo?”

2 Reis 24:2

SIÑOR manda kontra el tropas di Babilonia, di sirianus, moabitas ku fijus di Amon; i manda elis kontra Judá pa kaba ku el, konformi palabra ku SIÑOR falaba na boka di si servus anunsiaduris.

Jo 16:10

Jinti yabri boka pa fasin trosa, e dan bofotada ku disprezu, e junta tudu kontra mi.

Ditus 8:23

Disna di iternidadi N kujidu, disna di kumsada, antis di mundu kumpudu.

Isaias 10:6

N na mandal kontra un nason ku ka mporta ku Deus, kontra pobu ku N ten raiba del; N dal ordi pa i roba kusa di jinti, i toma rikesa, i masa jinti suma lama na ruas.

Isaias 33:22

SIÑOR i no Juis; SIÑOR i kil ku ta danu lei; el ku sedu no rei; el ku na salbanu.

Isaias 8:9

Abos nasons, bo turmenta; bo na sapa-sapadu. Bo sukuta, abos tudu ku sta na tera lunju. Bo mara sintu, bo na sapa-sapadu! Bo mara sintu, bo na sapa-sapadu!

Isaias 9:5

Tudu bota ku tropas ta somnaba ku el oca ke na marŝa pa gera, ku tudu ropa ku susadu ku sangi, e na sta suma kumida pa fugu.

Jeremias 25:9

N na manda buska tudu nasons di norti, tudu ku ña servu Nabukodonosor, rei di Babilonia, N na tisi elis kontra e tera ku si moraduris, ku tudu nasons ku sta na roda. N na dana elis tudu, N pui elis pa e sedu un spantu ku danu ku trosa pa sempri.” Asin ku SIÑOR fala.

Jeremias 4:7

Suma lion ku sai na si koba, asin ku un danadur di nasons i sai ja; i na bin pa dana Judá. Bu prasas na pajigadu; ningin ka na mora nelis.

Miskiñu di Jeremias 3:30

I dibi di da si rostu pa algin ku na dal bofotada; pa i nguenta tudu maltratu.

Ezekiel 21:32

Bu na sedu leña pa fugu; bu sangi na darmadu ne tera; bu ka na lembradu del mas, pabia i ami, SIÑOR, ku fala e kusa.’ ”

Ezekiel 24:2

“Fiju di omi, skirbi data di aos, pabia rei di Babilonia na kumsa taja Jerusalen aos.

Daniel 9:25

“Obi, bu ntindi. Disna ku ordi sai pa torna kumpu Jerusalen te na tempu ku ki algin ciga ku Deus kuji pa i sedu rei, i na ten korenta i novi anu. Prasa na kumpudu ku stradas ku baletas; i na tarda pa kuatrusentus i trinta i kuatru anu, ma na un tempu di kansera.

Joel 3:9

Bo fasi e anunsiu na metadi di nasons: “Bo purpara pa gera! Bo disperta omis di koraẑen! Tudu omis di gera pa e ciga, e bai ataka.

Amos 2:3

N na kaba ku kil ku na manda nel; N na mata tudu si ŝefis juntu ku el.” Asin ku SIÑOR fala.

Abakuk 1:6

N na lantanda jinti di Babilonia, ki pobu brabu, di sangi kinti, ku na marŝa pa tudu mundu, pa toma moradias ku ka sedu di selis.

Abakuk 3:16

N obi ki kusa; ña korson bati. N obi si baruju; ña boka tirmi. N staba suma ña os na podrisiba; ña pernas na tirmiba. Ma N na diskansa, N na pera dia di kastigu pa i bin riba di pobu ku na bin kontra nos.

Mateus 26:67

Ki ora e kuspil na rostu, e dal suku; utrus dal bofotada,

Mateus 27:30

E kuspil, e tomal kana, e na dal ku el na kabesa.

Mateus 5:39

Ma ami N na konta bos: Ka bo risisti kil ku na fasi bos mal, ma si algin dau bofotada na ladu direita, paral ki utru ladu.

Bon Noba di Jesus Kristu ku Jon 18:22

Oca ku Jesus papia e kusa, un guarda ku staba la dal bofotada, i puntal: “I asin ku bu ta ruspundi ŝef di saserdotis?”

Bon Noba di Jesus Kristu ku Jon 19:3

E na falaba: “Viva, rei di judeus!” E na dal bofotada.

Atus 23:2

Ŝef di saserdotis, Ananias, manda kilis ku staba pertu del pa e dal na boka.

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.

Ripitison di Lei 28:49

SIÑOR na lantanda kontra bo un nason di lunju, di utru ladu di mundu, ku bu ka kunsi si lingua. I na pika riba di bo di repenti suma agia.

Ripitison di Lei 33:27

Deus ku ka ten kumsada nin kabantada i bu moransa suguru; si brasus iternu sta bas di bo. I ta serka bu inimigu bu dianti, i fala: ‘Kaba ku el!’

Ŝefis 17:7

I tenba un joven levita ku moraba na prasa di Belen na tera di jorson di Judá.