Mikeias 4:9 - BIBLIA - traduson antigu in Krioulo

⁹ Gosi, ke ku manda bu na grita risu ne manera? Nta rei ka ten na bo? O bu konsijaduris muri tudu, ku manda dur toma konta di bo suma minjer ku na padi?

Mikeias 4:9 ပူးပေါင်းရင်းမြစ်များ

Isaias 13:8

E na panta dimas; dur ku foronta na toma konta delis. E na tursi kurpu suma minjer na partu, e na jubi ŋutru ku medu; se rostus na kema ku borgoña.

Isaias 21:3

Ña kurpu na tursi ku dur. Dur toma konta di mi suma dur di minjer ku sta na partu. N foronta tok N ka pudi obi; N dismaja tok N ka pudi oja.

Isaias 26:17

Suma minjer preñada, ora ki pertu padi, i ta grita na si dur di partu, asin ku no staba bu dianti, o SIÑOR.

Jeremias 22:23

Abo ku mora sabi na palasiu di sedru, ku tisidu di tera di Líbanu, bu na jimi ku forsa ora ku dur bin pa bo, ku foronta suma minjer na partu.”

Jeremias 30:10

“Asin, ña servu Jakó, ka bu medi; Israel, ka bu panta. Ami, SIÑOR, N fala kuma N na librau di tera lunju, N na libra bu jorson di tera di se katiberasku. Jakó na riba, i na fika ketu ku susegu; i ka na ten kin ku na pantandal.

Jeremias 4:21

Te kal tempu ku N na oja bandera di gera, N obi toku di korneta?

Jeremias 4:31

N obi gritu, suma di minjer ku sta di partu; N obi jimidu, suma di kin ku na padi si purmeru fiju. I seduba vos di prasa di Sion ku ka pudiba da folgu diritu, ku distindi si mon, i fala: “O! Ai di mi gosi! N na dismaja dianti di mataduris!”

Jeremias 48:41

Prasas na tomadu, tudu ku kuartel. Na ki dia korson di omis forti di Moab na torna suma minjer ku na sufri dur di partu.

Jeremias 50:43

Rei di Babilonia obi noba delis; si mon bida moli. Foronta toma konta del, ku dur suma minjer ku sta na partu.

Jeremias 8:19

Bo sukuta vos di ña pobu na un tera lunju dimas; e na punta: “SIÑOR ka sta na Sion? Rei di Sion ka sta ja la?” Deus punta: “Ke ku manda e lantanda ña raiba ku se imaẑens, ku se idulus strañu ku ka bali?”

Miskiñu di Jeremias 4:20

No rei, unjidu di SIÑOR, folgu di no vida, i pañadu na se armadilia. No pensaba kuma no pudiba vivi na metadi di nasons, bas di si sombra.

Oseias 10:3

E na bin fala: “No ka tene rei pabia no ka tenba rispitu pa SIÑOR, ma, nin si no teneba rei, ke ki pudiba fasi pa nos?”

Oseias 13:13

Dur di partu bin pa si mame, ma el i un mininu sin juisu, pabia tempu ciga, ma el i ka sta na kau ki dibi di sta nel pa i pudi padidu.

Oseias 3:4

Na mesmu manera fijus di Israel na fika manga di tempu sin rei, sin ŝef, sin sakrifisiu, nin kuluna sagradu, nin efodi, nin imaẑen.

Mikeias 5:3

Israel na bandonadu te na tempu ku kil ku sta di partu na padi si fiju. Dipus, restu di si ermons na riba pa junta mas ku fijus di Israel.

Bon Noba di Jesus Kristu ku Jon 16:21

Ora ku un minjer sta pa padi, i ta sinti kasabi, pabia si ora ciga, ma dipus di padi mininu, i ka ta lembra ja di kansera ki pasa, pabia di kontentamentu di padi un fiju.

Apokalipsi 12:2

I preña, i staba ku dur di partu, tok i na grita ku dur di padi.