Mikeias 3:9 - BIBLIA - traduson antigu in Krioulo

⁹ Bo sukuta es, abos ŝefis ku garandis di pobu di Israel, ku ta nuju justisa, ku ta tursi tudu kusa ku sta diritu.

Mikeias 3:9 ပူးပေါင်းရင်းမြစ်များ

Neemias 13:17

N raprindi ŝefis di Judá, N fala elis: “Bo jubi pa mal ku bo na fasi! Bo ka na guarda dia di diskansu suma dia sagradu.

Saida 3:16

Bai bu junta garandis di Israel, bu fala elis: ‘SIÑOR, Deus di bo papes, Deus di Abraon, Isak ku Jakó, i bin pa mi, i falan: “N bin pa bos. N oja ke ku bo fasidu na Ejitu.

Ditus 17:15

Kil ku da roson pa kulpadu, ku kil ku kondena justu, e nujenti pa SIÑOR, tudu dus.

Ditus 17:23

Omi mau ta seta suku di bas na sigridu pa tursi justisa.

Ditus 18:5

I ka bon pa toma parti di algin ku ten kulpa, bu nega fasi justisa pa kil ku ten roson.

Ditus 21:7

Violensia di jinti mau na rabata elis, pabia e nega fasi ben.

Isaias 1:23

Bu ŝefis sedu disobdienti, kumpañeris di ladrons; kada un delis ta misti suku di bas, i ta kuri tras di diñeru. E ka ta difindi diritu di orfan, nin e ka ta para sintidu na kasu di viuvas.

Jeremias 5:28

E taka tok peli na lampra; kusas mau ke fasi i pasa limiti. E ka ta difindi pa orfans, pa kusas pudi bai diritu ku elis, nin e ka ta difindi pa koitadis pa e ten se diritu.”

Ezekiel 44:23

E na nsina ña pobu pa e sibi diferensia kusas sagradu ku kusas ki ka sagradu; e na pui elis pa e rapara puru ku impuru.

Oseias 5:1

“Abos saserdotis, bo sukuta; pobu di Israel, bo para atenson! Familia di rei, bo obi! E julgamentu i kontra bos; bo seduba armadilia pa Mizpá, tambi bo seduba ridia distindidu riba di Tabor.

Sirmonias 26:15

si bo nega ña regras, bo nfastia ña leis, bo ka kumpri ña mandamentus, tok bo pui ña kontratu fika sin balur,

Amos 5:7

Bo pui justisa bida venenu, pabia bo nega fasi justisa sertu pa jinti.

Mikeias 1:1

Na tempu ku Jotan, Akaz ku Ezekias seduba rei di Judá, SIÑOR da e palabra pa Mikeias, di prasa di Moreset. SIÑOR mostra Mikeias e kusas aserka di Samaria ku Jerusalen.

Mikeias 3:1

Ami N fala: “Bo sukuta, abos ŝefis di pobu di Israel. Nta i ka abos ku dibi di kunsi justisa?

Ripitison di Lei 27:19

“Maldisuadu kil ku nega fasi justisa sertu pa stranjeru, orfan ku viuva.” Tudu pobu na ruspundi e fala: “Amen.”