Mikeias 3:6 - BIBLIA - traduson antigu in Krioulo

⁶ Pabia di kila, e na pasa noti sin oja vison; e ka na tene adiviñas na sukuru. Sol na kai riba di ki anunsiaduris; di dia na bida sukuru pa elis.”

Mikeias 3:6 ပူးပေါင်းရင်းမြစ်များ

Salmus 74:9

Gosi no ka ta oja sinal; i ka ten ja anunsiadur, nin algin na no metadi ku sibi te kal tempu ku e kusa na tarda.

Isaias 29:10

SIÑOR darma spiritu di sonu fundu riba di bos, i tapa bo ujus abos anunsiaduris; i kubri bo kabesa, abos videntis.

Isaias 59:10

No ta palpa paredis suma segus; sin, no ta yanda no palpa suma kilis ku ka tene uju; no ta da tapada me-dia suma na fuska-fuska. Na metadi di jinti forti no sta suma jinti ku muri.

Jeremias 13:16

Bo da gloria pa SIÑOR bo Deus antis di i tisi sukuru, pa ka bo pe bin da tapada na montis na fuska-fuska. Bo na pera lus, ma el i na mudal pa sombra di mortu, pa sukuru meduñu.

Jeremias 15:9

Mame di seti fiju na dismaja, i kansa pa da folgu; si sol kai nkuantu i di dia inda; i fika ku borgoña ku kunfuson. Kilis ku ka muri inda, N na ntrega elis pa spada dianti di se inimigus.” Asin ku SIÑOR fala.

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Ezekiel 13:9

Ña mon na sta kontra anunsiaduris ku oja visons falsu, ku ta konta adiviñas di mintida. E ka na pertensi kumunidadi di ña pobu, nin e ka na sta na reẑistu di pobu di Israel, nin e ka na yentra na tera di Israel. Bo na sibi kuma N sedu SIÑOR Deus.

Ezekiel 7:26

Mufunesa na bin riba di mufunesa; mau nobas na bin tras di utru. E na misti pa anunsiadur konta elis ke ku sedu, ma saserdotis ka na tene nsinamentu di lei pa elis, nin garandis ka na pudi da elis konsiju.

Amos 8:11

SIÑOR Deus fala: “Dias na ciga ku N na manda fomi na tera; i ka fomi di kumida nin sedi di yagu, ma di obi palabras di SIÑOR.

Mikeias 2:6

Utru anunsiaduris fala: “Para somna! Ka bu anunsia de manera; borgoña ka na bin pa nos.”