Mikeias 3:11 - BIBLIA - traduson antigu in Krioulo

¹¹ Se ŝefis ta julga pa suku di bas; se saserdotis ta nsina pa pagamentu; se anunsiaduris ta diviña pa diñeru; ma e ta ngosta na SIÑOR, e fala: “SIÑOR sta na no metadi; nin un mal ka na bin riba di nos.”

Mikeias 3:11 ပူးပေါင်းရင်းမြစ်များ

Ditus 17:23

Omi mau ta seta suku di bas na sigridu pa tursi justisa.

Isaias 1:23

Bu ŝefis sedu disobdienti, kumpañeris di ladrons; kada un delis ta misti suku di bas, i ta kuri tras di diñeru. E ka ta difindi diritu di orfan, nin e ka ta para sintidu na kasu di viuvas.

Isaias 48:2

Bo ta toma nomi di prasa sagradu, bo firma tesu riba di Deus di Israel ku tene nomi di SIÑOR ku ten tudu puder.

Isaias 5:23

Pa suku di bas e ta da kulpadu roson; justu, e ta nega dal roson.

Isaias 56:11

Ki kacuris faimadu, e ka ta farta. E sedu bakiaduris sin ntindimentu; elis tudu e ta bai kau ke misti, kada kin pa buska pa si kabesa.

Jeremias 23:17

E ta fala sempri pa kilis ku njutin: ‘SIÑOR fala kuma bo na ten pas.’ Pa kilis ku na yanda konformi duresa di se korson e ta fala: ‘Mal ka na bin riba di bos.’ ”

Jeremias 26:7

Saserdotis, anunsiaduris ku tudu pobu, e obi Jeremias i na konta ki palabras na kasa di SIÑOR.

Jeremias 5:12

E nega SIÑOR, e fala: “I ka na fasi nada. Nin mal ka na bin riba di nos; no ka na oja spada ku fadi fomi.

Jeremias 6:13

Mininus ku garandis, kada kin ta pui si sintidu son pa ngaña. Anunsiaduris tudu ku saserdotis, kada un ta ngana jinti.

Jeremias 7:4

Ka bo fia na ki palabras di mintida ku bo ta fala: ‘Es i kasa di SIÑOR, es i kasa di SIÑOR, es i kasa di SIÑOR!’

Jeremias 8:10

Asin N na da se minjeris ku se lugaris pa utru jinti, pabia mininus ku garandis, kada kin ta pui sintidu son pa ngaña. Anunsiadur, tudu ku saserdoti, kada un ta ngana pobu.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Ezekiel 22:27

Se funsionarius sedu suma lubus ku ta rabata limaria ke paña. E ta darma sangi, e mata pa ngaña lukru na tarpasa.

Ezekiel 34:2

“Fiju di omi, anunsia kontra bakiaduris, ku sedu ŝefis di Israel. Anunsia, bu fala elis kuma asin ku SIÑOR Deus fala: ‘Ai di ŝefis di Israel ku ta bakia se propi kabesa! Nta bakiaduris ka dibi di bakia karnel?

Oseias 4:18

Ora ke kaba bibi, e ta pega na mau vida. Se ŝefis gosta di borgoña.

Oseias 4:8

Suma ku pekadu di ña pobu ta da elis bon purbitu, saserdotis ta ten forti diseẑu pa kilas kontinua na maldadi.

Amos 5:14

Bo buska fasi kil ki bon, i ka kil ki mau, pa bo pudi tene vida. Asin SIÑOR, Deus ku ten tudu puder, na sta ku bos, suma ku bo ta fala.

Amos 9:10

Tudu kilis di ña pobu ku ta fasi pekadu e na matadu ku spada, kilis ku fala: ‘Mal ka na yangasanu nin i ka na ojanu.’

Mikeias 3:5

Asin ku SIÑOR fala: “Ki anunsiaduris na pui ña pobu pa e yara. Si algin da elis kusa di kume, e ta fala: ‘Pas!’ Ma si i ka miti elis nada na boka, e ta purpara gera kontra el.

Mikeias 7:3

Tudu se mon ten jitu pa fasi mal. Ŝef ta pidi pursentis, juis ta janti pa kudi kil ku dal suku di bas; omi di puder ta iziẑi kil ki misti; elis tudu e ta junta pa mal.

Sofonias 3:3

Si ŝefis sedu suma lions ku na somna; si juisis e sedu suma lubus di tardi, ku ka ta sobra nin un os pa utru dia.

Sofonias 3:4

Si anunsiaduris lebi kabesa, e sedu infiel; si saserdotis kontamina kau sagradu, e tursi lei.

Malakias 1:10

SIÑOR ku ten tudu puder fala: “I ta bon ba pa un algin na bo metadi fica portas di templu pa tuji bos peganda fugu na ña altar amonton! N ka sta kontenti ku bos, nin N ka na seta oferta di bo mon.

Malakias 2:9

“Pabia di kila, ami tambi N pui pa bo njutidu, bo baŝadu dianti di pobu, pabia bo ka pega na ña kamiñus ma, na bo nsinamentu, bo ta fasi skuju di jinti.”

Numerus 16:15

Moisés raiba ciu, i fala SIÑOR: “Ka bu seta se oferta. N ka toma nada delis, nin un buru; N ka yara nin un delis.”

Numerus 22:7

Asin, garandis di moabitas ku midianitas bai, e leba diñeru pa paga jambakusndadi, e ciga nunde Balaon, e kontal tudu ku Balak fala.

Mateus 3:9

Ka bo ba ta njata kuma Abraon i bo pape, pabia N na fala bos kuma, te de pedras propi, Deus pudi lantanda fijus pa Abraon.

1 Timótiu 3:3

I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima pa diñeru.

Titu 1:11

I pirsis tapa elis boka, pabia e ta jagasi sintidu di familias ntidu, ku nsina kusas ke ka dibi di nsina, son ku fin borgoñosu pa ngaña diñeru.

1 Pedru 5:2

N na pidi bos pa bo toma konta di krentis na bo metadi, ku sedu karnel di Deus. I ka obrigason, ma di bo libri vontadi, suma ku Deus misti; i ka ku spiritu intereseru, ma ku diseẑu di sirbi.

Judas 1:11

Koitadi delis! E bai na kamiñu ku Kain bai. Pa amor di diñeru e murguja na eru suma Balaon. E rafila suma Koré; e pirdi suma el.

1 Samuel 8:3

ma elis e ka na yandaba na kamiñu di se pape; e puiba sintidu son pa ngaña diñeru, e ta tomaba suku di bas, e ta tursi justisa.