Mikeias 2:9 - BIBLIA - traduson antigu in Krioulo

⁹ Bo tira minjeris di ña pobu fora di se kasas ke gosta del, bo tira ña gloria di se fijus pa sempri.

Mikeias 2:9 ပူးပေါင်းရင်းမြစ်များ

Salmus 72:19

Si nomi gloriosu pa i ngabadu pa sempri; si gloria pa i inci tudu mundu! Amen! Amen!

Jeremias 10:20

Ña tenda danadu; ña kordas tudu sapadu. Ña fijus bai, e ka sta ja. Ningin ka ten ku na yarma ña tenda, i firmanta ña lona.

Ezekiel 39:21

“N na mostra ña gloria na metadi di nasons; elis tudu e na oja julgamentu ku N fasi, ku pesu di ña mon riba delis.

Joel 3:6

Bo bindi pobu di Judá ku Jerusalen pa gregus, pa e pudi lunjusi se tera.

Amos 2:7

E ta masa kabesa di koitadis na reia di con; e ta tursi justisa di jinti mansu. Un omi ku si pape ta sta ku mesmu noiva, pa kontamina ña nomi sagradu.

Mikeias 2:2

E ta kubisa lugaris, e toma elis ku forsa; e ta kubisa kasas, e toma elis. E ta fasi violensia, e roba omi si kasa, e toma si yardansa.

Abakuk 2:14

Ma mundu na inci ku kuñisimentu di gloria di SIÑOR suma yagu ta kubri mar.

Zakarias 2:5

SIÑOR fala kuma i na sedu un mura di fugu na roda di prasa, kuma el mesmu i na sedu si gloria na metadi del.’ ”

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [

Markus 12:40

E ta splora kasas di viuvas, nkuantu e na fasi orason kumpridu di finjimentu. E na risibi kastigu mas garandi.”

Lukas 20:47

E ta splora kasas di viuvas nkuantu e na fasi orason kumpridu di finjimentu. E na risibi kastigu mas garandi.”

2 Koríntius 3:18

Anos tudu ku rostu diskubertu, suma un spiju, no ta mostra gloria di Siñor. Asin Siñor, ku sedu Spiritu, i ta transformanu di un gloria pa utru mas garandi, tok no ta tene si parsensa.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

1 Samuel 26:19

N pidi Ñu Rei pa i obi e palabra di si servu. Si i SIÑOR ku na lantandau kontra mi, i bon pa i seta un oferta, ma si i omis ku na fasi asin, pa e sedu maldisuadu dianti di SIÑOR, pabia e serkan aos pa N ka ten parti na yardansa di SIÑOR, e na pun pa N bai sirbi utru deusis.