Mikeias 2:4 - BIBLIA - traduson antigu in Krioulo

⁴ Na ki dia algin na tira un ditu pa bos; jinti na lanta e na cora tristi, e fala: ‘No danadu tudu! Yardansa di ña pobu, ku sedu se tera, i divididu. El i tiranu el, i rapati no lugaris pa utru jinti.’ ”

Mikeias 2:4 ပူးပေါင်းရင်းမြစ်များ

2 Samuel 1:17

Davi miskiña Saul ku si fiju Jonatas ku e kantiga tristi,

2 Kronikas 35:25

Jeremias kumpu un kantiga pa miskiña Josias. Tudu kantaduris macu ku femia e ta kanta aserka di Josias te aos. Ki kantigas bin sedu kustumu na Israel; e sta skritu na libru di Kantigas di Miskiñu.

Jo 27:1

Jo kontinua na si kombersa, i fala:

Isaias 14:4

bu na ŋumini e ditu kontra rei di Babilonia, bu fala: “Jubi kuma ku kalkadur kaba! Nunka mas i ka na kalka ningin!

Isaias 24:3

Tudu mundu na danadu, i disadu sin nada. I SIÑOR ku papia e palabra.

Isaias 6:11

N puntal: “Te kal tempu, SIÑOR?” I ruspundin: “Tok prasas danadu, e fika sin ningin. Kasas na fika sin algin mora la; tera na danadu tudu.

Jeremias 14:18

Si N sai pa matu, N ta oja kilis ku matadu ku spada; si N yentra na prasa, N ta oja jinti ku na dismaja ku fomi. Mesmu anunsiaduris ku saserdotis e na yanda-yanda na un tera ke ka kunsi.’ ”

Jeremias 4:13

Bo jubi! Inimigu na bin suma nuvens; si karus na bin suma urdumuñu. Si kabalus na kuri mas dipresa di ki agias. Ai di nos! No sta pirdidu!

Jeremias 6:12

Se kasas na pasa pa utrus, tudu ku se lugaris ku se minjeris, pabia N na distindi ña mon kontra moraduris de con.

Jeremias 8:10

Asin N na da se minjeris ku se lugaris pa utru jinti, pabia mininus ku garandis, kada kin ta pui sintidu son pa ngaña. Anunsiadur, tudu ku saserdoti, kada un ta ngana pobu.

Jeremias 9:10

N na cora risu pabia di montis; N na miskiña pabia di kaus di bakia na lala, pabia e sta ja kemadu; ningin ka ta pasa la. Gosi ja i ka na obidu vos di baka; kacus tudu ku limarias e kuri, e bai.

Jeremias 9:16

N na pajiga elis na metadi di nasons ku nin elis nin se papes ka kunsiba. N na serka elis ku spada tok N kaba ku elis.”

Ezekiel 16:44

Tudu jinti ku gosta di usa ditu, e na usa e ditu aserka di bo: “Suma ku mame sta, asin ku fiju femia sta.”

Ezekiel 2:10

I disrolal ña dianti; i staba skritu dentru ku fora ku miskiñu, ku kantiga di cur ku tristesa.

Joel 1:13

Abos saserdotis, bo mara saku, bo miskiña; abos ku ta sirbi dianti di altar, bo jimi. Bo bai bo pasa noti bistidu di saku, abos ku ta sirbi ña Deus; pabia oferta di kumida ku bibida ka na bai pa kasa di bo Deus.

Joel 1:8

Miskiña suma bajuda ku mara saku pabia di mortu di namoradu di si bajudesa.

Amos 5:1

Pobu di Israel, bo sukuta e kantiga tristi ku N na kanta pa bos:

Amos 5:17

Jinti na cora na tudu ortas di uva, pabia N na pasa na bo metadi.” Asin ku SIÑOR fala.

Mikeias 1:15

O moradur di Maresa, N na manda un algin ku na toma bu prasa pa yardal. Bo ŝefis, ku sedu gloria di Israel, na bai sukundi na Adulan.

Mikeias 1:8

Pabia di kila, N na miskiña, N cora; N na yanda nun, sin sapatu. N na pupa suma kacur brabu, tambi suma avestruz.

Mikeias 2:10

Bo lanta bo bai, pabia gosi, es ka sedu bo kau di diskansu, pabia di kurupson ku ta dana; sin, i ta dana mal.

Abakuk 2:6

Elis tudu e na kumsa papia kontra el, e na kobal, e fala: ‘Ai di kil ku ta buri kil ki ka di sil! Te kal dia ku bu na kontinua pista kusa a forsa?’

Sofonias 1:2

SIÑOR fala: “N na kaba ku tudu kusas na mundu.

Numerus 23:18

Balaon da si anunsiu, i fala: “Balak, lanta bu sukuta; fiju di Zipor, para oreja pa obi ña palabra.

Numerus 23:7

Balaon da si anunsiu, i fala: “Balak, rei di moabitas, i manda tisin di Aran, di montañas na saida di sol. I falan: ‘Bin, bu maldisua Jakó pa mi; bin, bu papia kontra Israel.’

Numerus 24:15

Asin i da e anunsiu: “Balaon, fiju di Beor, i na papia; omi di uju abertu i na fala.

Numerus 24:3

i fala es anunsiu: “Balaon, fiju di Beor, i na papia; omi di uju abertu i na fala.

Markus 12:12

Ki garandis di judeu na buskaba manera di prindi Jesus, pabia e ntindi kuma ki komparason i seduba kontra elis, ma e medi jinti, e disal, e bai se kamiñu.

Ripitison di Lei 28:29

Bu na palpa-palpa di dia suma segu ku na palpa na sukuru; nada ka na kuriu diritu; bu na kalkadu tudu dia; jinti na furta bu kusas; i ka na ten kin ku na librau.