Mateus 9:8 - BIBLIA - traduson antigu in Krioulo

⁸ Jinti ku rumaba la e oja ki kusa, e fika spantadu, e ngaba Deus manera ki da omis ki puder.

Mateus 9:8 ပူးပေါင်းရင်းမြစ်များ

Mateus 12:23

Tudu jinti ku staba la e fika dimiradu, e punta: “Nta es i ka Fiju di Davi?”

Mateus 15:31

Multidon di jinti fika dimiradu pa oja mudus na papia, kilis ku tene difeitu kuradu, mankus na yanda diritu, segus na oja; e ngaba Deus di Israel.

Mateus 28:18

Jesus ciga pertu, i fala elis: “N dadu tudu puder na seu ku tera.

Mateus 5:16

Asin tambi ku bo dibi di fasi bo lus pa i numia dianti di jinti, pa e pudi oja kusas bon ku bo ta fasi, pa e pudi ngaba bo Pape ku sta na seu.

Mateus 9:7

I lanta, i bai pa si kasa.

Markus 2:12

I lanta janan, i toma si kanape, i sai. Tudu jinti ojal, e fika dimiradu, e ngaba Deus, e fala: “Nunka no ka oja kusa suma es!”

Markus 7:37

E dimira ciu, tok e fala: “Es omi ta fasi tudu kusa diritu. I ta fasi te surdu obi, mudu papia.”

Lukas 13:13

I pui mon riba del; na ki ora i ndirita, i ngaba Deus.

Lukas 17:15

Oca ku un delis oja kuma i staba kuradu, i riba, i ngaba Deus ku vos altu,

Lukas 17:18

I ka ten nin un son ku riba pa ngaba Deus fora de stranjeru?”

Lukas 18:43

Ki ora i oja, i sigi Jesus, i na ngaba Deus. Tudu jinti oja kil ku sedu, e ngaba Deus tambi.

Lukas 2:20

Bakiaduris riba, e na ngaba Deus, e na dal gloria pa tudu ke obi, ke oja, pabia tudu sedu suma ke kontadu.

Lukas 23:47

Kapiton di guarda oja kil ku kontisi. I ngaba Deus, i fala: “Na bardadi e omi i seduba justu.”

Lukas 7:16

Medu garandi kai riba delis tudu; e da Deus gloria, e fala: “Un garandi anunsiadur lanta na no metadi.” E fala tambi: “Deus visita si pobu!”

Bon Noba di Jesus Kristu ku Jon 15:8

Ña Pape ta glorifikadu si bo padi frutu ciu. Asin bo ta sedu ña disipulus.

Atus 11:18

E kaba di obi e kusas, e kalma, e da Deus gloria, e fala: “Na bardadi Deus da tambi jinti di utru rasa ripindimentu pa e pudi tene vida.”

Atus 21:20

Oca e obi ki noba, e ngaba Deus. E fala Paulu: “Ermon, bu oja kantu milyaris di judeu ku sedu ja krentis. Elis tudu e forti na lei.

Atus 4:21

E torna ameasa elis mas. Suma ke ka oja manera di kastiga elis, e larga elis, pabia tudu pobu na ngaba Deus pa kusa ku kontisi,

2 Koríntius 9:13

E tarbaju ta proba kuma, na bardadi, bo ta obdisi Bon Noba di Kristu; i ka son setal ku boka. Pabia di kila, e ta glorifika Deus; e ta glorifikal tambi pa ki garandi oferta ku bo manda pa elis ku tudu jinti.

Gálatas 1:24

Asin e na da Deus gloria pabia di mi.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.