Mateus 9:36 - BIBLIA - traduson antigu in Krioulo

³⁶ I oja manga di jinti, i sinti garandi pena delis, pabia e na yandaba disorientadu, pirdidu, suma karnel ku ka tene bakiadur.

Mateus 9:36 ပူးပေါင်းရင်းမြစ်များ

1 Reis 22:17

Mikaias fala: “N oja tudu Israel pajiga na montis suma karnelis ku ka tene bakiadur. SIÑOR fala: ‘Esis e ka tene ŝef; minjor kada kin riba ku pas pa si kasa.’ ”

2 Kronikas 18:16

Mikaias falal: “N oja tudu Israel pajiga na montis suma karnel ku ka tene bakiadur. SIÑOR fala: ‘Esis e ka tene ŝef; i mas minjor pa kada kin riba ku pas pa si kasa.’ ”

Isaias 13:14

Kada un na riba pa si pobu, kada kin na kuri pa si tera, suma gazela ku na kuri di montiadur, suma karnel ku ka tene bakiadur.

Jeremias 50:6

“Ña pobu seduba karnel ku pirdi. Se bakiaduris pui elis pa e yara, e disa elis disvia pa montis. E na yanda di un monti pa utru, e diskisi di se koral.

Zakarias 10:2

Idulus di kasa ta papia saklata; diviñaduris ta oja kusa di mintida, e ta konta suñus di nganu; e ta konsola jinti amonton. E ku manda pobu ta yanda suma karnel; e sta ku kasabi pabia bakiadur ka ten.

Zakarias 11:16

Pabia N na lantanda un bakiadur na tera ku ka na toma konta di kilis ku na muri, nin i ka na buska kil ku pirdi, nin pa i kura kil ku molosta, ku fadi pa i bakia kilis ku san; ma i na kume karni di kil ku taka, i rinka si pe.

Numerus 27:17

ku ta leba elis fora, i tisi elis pa dentru, i yanda sempri se dianti, pa pobu di SIÑOR ka sedu suma karnel ku ka tene bakiadur.”

Mateus 10:6

ma bo bai pa jinti di Israel ku pirdi suma karnel.

Mateus 14:14

Oca Jesus na disimbarka, i oja manga di jinti, i sinti garandi pena delis, i kura duentis na se metadi.

Mateus 15:24

Jesus ruspundi, i fala: “Ami N mandadu son pa jinti di nason di Israel ku pirdi suma karnel.”

Mateus 15:32

Jesus coma si disipulus, i fala: “N ten pena de jinti pabia e tene ja tris dia ku mi. E ka tene nada di kume. N ka misti dispidi elis sin e ka kume, pa ka e bin dismaja na kamiñu.”

Markus 6:34

Oca ki disimbarka, Jesus oja ki garandi multidon, i sinti pena delis, pabia e staba suma karnel ku ka tene bakiadur. I kumsa na nsina elis manga di kusa.

Markus 8:2

“N ten pena de jinti, pabia e sta ja tris dia ku mi; nada di kume e ka tene.

Ebreus 4:15

No ka tene un ŝef di saserdoti ku ka pudi ten pena di no frakesa, ma un ku tentaduba na tudu, suma nos, ma ku nunka ka peka.

Ebreus 5:2

Suma el propi i fraku na manga di manera, i pudi mostra manga di pasensa pa kilis ku ka sibi, ku ta yara.