Mateus 9:17 - BIBLIA - traduson antigu in Krioulo

¹⁷ Tambi ningin ka ta pui biñu nobu na saku di kuru beju, pabia saku di kuru beju na bin rumpi; biñu ta darma, saku ta dana, ma biñu nobu ku ka fermenta inda i ta pudu na saku di kuru nobu; de manera tudu dus ka ta dana.”

Mateus 9:17 ပူးပေါင်းရင်းမြစ်များ

Jo 32:19

Dentru di mi, palabras na rebenta, suma biñu nobu ku sta na saku di kuru.

Salmus 119:83

Nin ku N sedu suma saku di kuru ku paña fumu, N ka na diskisi di bu regras.

Mateus 9:16

Ningin ka ta bota rumbu di fazenda nobu na kamisa beju, pabia remendu nobu ta rumpi ki parti di kamisa beju; ki kau ku rumpi i ta fika inda mas largu.

Mateus 9:18

Oca Jesus na konta elis e kusa, i ciga un ŝef di kasa di juntamentu, i finka juju si dianti, i falal: “Ña fiju muri gosi gosi, ma N misti pa bu bai pui mon riba del pa i pudi bibu.”

Markus 2:22

Ningin ka ta pui biñu nobu na saku di kuru beju. Si i pui, ora ku biñu fermenta i ta rumpi kuru; biñu ta darma; saku ta dana. Biñu nobu i dibi di pudu son na saku di kuru nobu.”

Lukas 5:37

Tambi ningin ka ta pui biñu ku ka fermenta inda na saku di kuru beju, pabia ki biñu nobu ta rumpi kuru beju, biñu ta darma, saku ta dana.

Lukas 5:38

Biñu nobu dibi di pudu na saku di kuru nobu.

Josué 9:4

E ranja se planu pa nganal; utru di ki jinti finji sedu mbaŝaduris, e toma sakus beju pa e pui riba di se burus, ku barkafons di biñu di kuru beju, rotu, botadu rumbu.