Mateus 9:12 - BIBLIA - traduson antigu in Krioulo

¹² Jesus obi ki purgunta, i ruspundi: “Kilis ku san e ka pirsisa di mediku, ma son kilis ku sta duenti.

Mateus 9:12 ပူးပေါင်းရင်းမြစ်များ

Salmus 147:3

I ta kura kebrantadus di korson, i ta liga elis cagas.

Salmus 41:4

N fala: “SIÑOR, N peka kontra bo; ten pena di mi, bu kuran.”

Salmus 6:2

SIÑOR, ten pena di mi, pabia N na sinti fraku. Kuran, SIÑOR, pabia ña os na ñemen.

Jeremias 17:14

Kuran, SIÑOR, N ta sedu kuradu; salban, N ta sta salbu, pabia i abo ku N ta ngaba.

Jeremias 30:17

N na tornau bu saudi, N na kurau bu cagas, mesmu ke comau bandonadu, e fala: ‘I Sion; ningin ka ta mporta ku el!’ ” Asin ku SIÑOR fala.

Jeremias 33:6

“Ma N na tisi saudi ku kura pa e prasa; N na kura elis, N na da elis garandi pas ku suguransa.

Jeremias 8:22

I ka ten mesiñu na Jilead? I ka ten mediku la? Ke ku manda ña pobu ka kuradu?

Oseias 14:4

“N na kura se kurupson, N na ama elis di korson, pabia N ka ten mas raiba kontra elis.

Mateus 18:11

Ami, Fiju di omi, N bin pa salba kil ku pirdiba.]

Markus 2:17

Jesus obi ki kusa, i fala elis: “Kilis ku san e ka pirsisa di mediku, son kilis ku duensi. Ami N ka bin coma jinti justu, ma N bin pa coma kilis ku ta fasi pekadu.”

Lukas 5:31

Jesus ruspundi elis: “Jinti san ka pirsisa di mediku, ma son kilis ku duensi.

Lukas 8:43

I sta la un minjer ku tenba dozi anu ku duensa ku ta pul pa i pirdi sangi. I gasta tudu kusa ki tene ku medikus, ma nin un delis ka pudi kural.

Lukas 9:11

ma multidon bin sibi, e bai si tras. Jesus risibi elis, i konta elis di renu di Deus, i kura tambi kilis ku pirsisaba di kura.

Kolosensis 4:14

Manteña di Lukas, no mediku ku no ama, ku Demas.