Mateus 8:4 - BIBLIA - traduson antigu in Krioulo

⁴ Jesus falal: “Jubi, ka bu konta ningin, ma bai pa saserdoti, bu mostral bu kurpu, bu da Deus oferta ku Moisés manda, pa i pudi sirbi elis di tustumuñu kuma bu sta kuradu.”

Mateus 8:4 ပူးပေါင်းရင်းမြစ်များ

Isaias 42:21

Manera ki sedu justu, SIÑOR pui sintidu pa fasi si lei garandi i gloriosu.

Sirmonias 13:49

Si ki manca na ropa, na kuru, o na fiu ku ropa ta kumpudu ku el, o na kualker kusa kumpudu di kuru, i parsi kor verdi o burmeju, i sedu lima ku ta kamba; i ten ku mostradu pa saserdoti.

Mateus 10:18

Pabia di mi bo na lebadu dianti di gubernaduris ku reis, pa bo pudi sedu tustumuñas pa elis ku kilis ku ka sedu judeu,

Mateus 16:20

Dipus Jesus da si disipulus ordi pa ka e konta ningin kuma el i Mesias.

Mateus 17:9

Oca e na ria na monti, Jesus da elis ordi, i fala: “Ka bo konta ningin e kusa ku bo oja tementi Fiju di omi ka lantandadu di mortu.”

Mateus 3:15

Jesus ruspundi i falal: “Disa kila, pabia de manera no ta fasi kil ku Deus misti.” Asin Jon seta.

Mateus 5:17

“Ka bo pensa kuma N bin pa kaba ku lei di Moisés o ku nsinamentu di anunsiaduris. N ka bin pa kaba ku el, ma N bin pa pul na pratika.

Mateus 6:1

“Bo libra di fasi bon kusas dianti di jinti pa e oja bos. Si bo fasi asin, bo Pape ku sta na seu ka na paga bos.

Mateus 9:30

Ki ora uju di ki dus segu yabri. Jesus papia risu ku elis, i fala: “Ka ningin sibi de kusa.”

Markus 13:9

“Abos propi, bo toma sintidu. Pabia di mi bo na ntregadu na justisa; bo na sutadu na kasas di juntamentu; tambi bo na lebadu dianti di gubernaduris ku reis, pa bo pudi konta di mi se dianti.

Markus 3:12

I fala elis risu pa ka e konta kin ki el.

Markus 5:43

I fala elis kuma i ka misti pa ningin obi e kusa. I fala elis tambi pa e da bajuda kusa di kume.

Markus 6:11

Si jinti di utru tabanka ka risibi bos, e ka misti sukuta bos, ora ku bo na sai la, bo konkoñi puera ku sta na bo pe, pa sinal kontra elis.”

Markus 7:36

Jesus fala elis pa ka e konta ningin nada, ma mas ki misti tuji elis, mas e ta konta inda ki noba.

Markus 8:30

Jesus da elis ordi pa ka e konta ningin nada del.

Markus 9:9

Oca ke na riaba na monti, i da elis ordi pa ka e konta ningin ke ke oja, tok Fiju di omi lanta di mortu.

Lukas 17:14

Oca i oja elis i fala: “Bo bai nunde saserdotis pa e jubi bos.” Suma ke na bai na kamiñu, se kurpu san di ki duensa, e bida limpu.

Lukas 21:13

E kusas na kontisi pa bo sedu ña tustumuñas.

Lukas 4:41

Dimonius tambi fika e na sai na manga delis, e na grita, e na fala: “Abo i Fiju di Deus.” Jesus raprindi elis, i ka disa pa e papia, pabia e sibiba kuma el i Mesias.

Lukas 5:14

Jesus dal ordi pa ka i konta ningin nada, i falal: “Bai, bu mostra saserdoti bu kurpu; suma ku bu sta limpu, bu ta da oferta ku Moisés manda pa i sedu tustumuñu pa elis.”

Lukas 8:56

Si pape ku mame fika dimiradu. I fala elis pa ka e konta ningin ke ku kontisi.

Lukas 9:21

I da elis ordi pa ka e konta ningin nada de kusas.

Bon Noba di Jesus Kristu ku Jon 5:41

“Ami N ka ta buska pa omis ngaban.

Bon Noba di Jesus Kristu ku Jon 7:18

Kin ku ta papia di si kabesa i ta buska si propi gloria, ma kil ku ta buska gloria di kin ku mandal, es i algin di bardadi. Falsidadi ka sta nel.

Bon Noba di Jesus Kristu ku Jon 8:50

Ami N ka na buska ña gloria, ma i ten kil ku na buskal; i el ku ta julga.